→ كل الوصفات

كنافه بالقشطه

اسهل وانجح كنافه من اول مره

  • ½ كيلو كنافه
  • كوب سمنه سايحه
  • ½ كوب سكر بودره
  • مكونات القشطه
  • ½ كيلو لبن
  • 3 معالق نشا
  • معلقتين قشطه وش اللبن
  • الشربات
  • 2 كوب سكر
  • 2 كوب ميه
  • وعصره نص لمونه
  1. لازم الكنافه تكون بايته ليله فى الفريزر
  2. نطلع الكنافه من الفريزر ونفتتها كويس ونحط عليها كوب السمنه ونقلب مع بعض لحد ما الكنافه تشرب السمنه
  3. نضع عليهم السكر البودر ونقلب
  4. لعمل القشطه نضع نص كيلو اللبن في حله ونضع فيها ٣ معالق نشا ونقلب كويس على البارد وبعدين نشغل النار عليها ونقلب لحد ما يتماسك ثم نضع القشطه ونقلب كويس ونطفى
  5. فى صنيه مدهونه سمنه نضع نص الكنافه ونفردها كويس فى الصنيه ونضغطت عليها جامد وبعدين نحط القشطه فى النص ثم نضع باقى الكنافه فوق القشطه براحه ونطبطب عليها براحه عشان القشطه مطلعش بره ونقفل كويس من الجناب ونرش رشه سمنه على الوش
  6. ونكون مشغلين الفرن على درجه ٢٠٠ وندخل الكنافه على الرف اللى فى النص لحد ما الجناب تحمر نشغل الشوايه حتى يحمر الوش ونطلعها ونسقيها بشربات بارد ونغطيها ونتركها تبرد وبعدين نقطعها وبالف هنا على قلبكم 😍😍😘
عجبتك الوصفة؟
شوف كل وصفاتنا في مكان واحد
كل الوصفات →