→ كل الوصفات
طريقة عمل كنافه بالكاسترد تحفه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو كنافه
- كوب الاربع سمنه
- ¼ كوب زيت
- ¼ كوب سكر
- 2 كوب سكر
- 2 كوب ماء
- كيس فانيليا
- ½ ليمونه
- معلقتين بودرة كاسترد
- ½ كيلو لبن
- معلقتين سكر
طريقة التحضير
- اول حاجه نعمل عسل الكنافه نجيب حله ونحط كوبين السكر وكوبايتين المياه ونضعهم على النار ونقلب لحد ما السكر يذوب ونضع كيس فانيليا وعصره الليمون ونسيبه يغلى ونخفف عليه (وعلشان تتاكدى العسل جهز ضهر المعلقه اللي بتقلبى بيها حطى صباعك عليها لو حسيتى انها بتلزق يبقى جهز)نسيبه بقى يبرد
- ثاني حاجه نعمل الكاسترد نجيب حله فيها نص كيلو اللبن بس يكون بارد نذوب فيهم معلقتين بودرة الكاسترد ومعلقتين السكر ولما يدوبوا كويس مع بعض نرفعهم على نار متوسطه لحد ماتعمل قوام الكاسترد ونقفل النار ونسيبه يبرد
- اخر خطوه نكون حاطين الكنافه في الفريزر نطلعها ونحطها في بوله كبيره ونكسرها كويس جداً ونضيف عليها السمنه والزيت والسكر ونفركها كويس جداً نكون محضرين الصينيه ودهننها سمنه ونقسم الكنافه نأخذ نصها نرصه في الصينيه ونبططها كويس جداً ونضيف عليها الكاسترد وبعد كده نضيف النص التاني ونطبطب عليها براحه جداً ونحطها في الفرن على الشبكه في النص
- نتابع الصينيه في الفرن واول ما الأطراف تحمر نشغل الشوايه لحد ما تأخذ وجه محمر بس خليكى جمبها لما تفتحى الشوايه لانها مش بتأخذ ثواني وبعد كده نطلعها ونسقيها الشربات على حسب ما تحبى واهم حاجه نغطيها علشان تتشرب وتكون طريه وخمس دقائق تهدى وبعد كده قطعيها وبالف هنا وصحه عليكم(وكل سنه وانتم طيبين وبخير وصحه وسعاده يارب)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد