→ كل الوصفات
وصفه جميله جداً وغير تقليديه وسهله
المقادير
- ½ كيلو كنافه ويفضل تكون بايته
- 4 معالق كبار سمن
- السيرب أو الشربات
- 1 كوب سكر
- ½ كوب ماء
- ليمونه
- فانيليا
- الكريمه
- كيس كريم شانتيه دريم
- ½ كوب لبن
- الكاسترد
- كيس كاسترد مذوب في نصف كوب لبن
- 2 كوب لبن
- 4 معالق كبار سكر
- الزينه 2مانجا كبيره مقطعة شرائح
طريقة التحضير
- اول حاجه نعمل السيرب بتاعنا نحط الماء مع السكر على النار واول ما الخليط يتقل معايا هضيف عصير الليمونه والفانيليا تأخذ غلوه واقفل النار
- نجيب الكنافه ونقطعها حتت صغيرة اوي بالأيد ونرش عليها السمنه وتتقلب كويس
- في حله كبيره على النار هنحط معلقتين كبار سمن ونشوح الكنافه كويس لحد اما تأخذ لون وهقسم كميه الكنافه على مرتين
- هضرب الكريم شانتيه ولازم يكون اللبن مثلج وبارد ولو الكريم شانتيه مش ماسك نفسه كويس هنحطه في علبه في الفريزر علشان يشد شويه قبل أما احطه في كيس الحلواني
- بعد كده هنقشر المانجا ونقطعها ونسيبها في الثلاجه
- واخر حاجه هنعمل الكاسترد هنحط 2كوب لبن على النار ونذوب معاهم 4ملعقه سكر لحد اما اللبن يغلي واخفف النار ونكون مدوبين الكاسترد في نصف كوب لبن وننزل بخيط رفيع من خليط الكاسترد على اللبن مع التقليب المستمر لحد اما يتقل معانا بس مش اوي علشان انا محتاجه يكون سائل شويه علشان ميجمدش
- اخر مرحله هتكون مرحله التجميع هنجيب بول صغيرة او اكواب او كاسات على حسب المتاح ونحط طبقه من الكنافه عليها شويه سيرب بالمعلقه علشان متبقاش مسكره اوي وبعد كده طبقه من الكاسترد وطبقه ثانيه من الكنافه ونحط عليها الشربات وبعد كده هنشكل بالكريمه من فوق وعليها شرائح المانجا ونكرر نفس العمليه دي مع باقي الكميه
- وبألف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد