→ كل الوصفات
الكنافه من الحلويات الشرقية اللذيذة جداً وبتعملي منها كذا طريقة وانا عملتها النهاردة بالكريمة والموز بجد ميكس الكريمة والموز حلو اوي جربيها هتعجبك جداً👌😋
المقادير
- 1/4 كيلو كنافة مفرومة
- 1/2 كوب سمنة مذابة
- كريم شانتيه
- موز
- 1/2 كوب شربات حلويات
طريقة التحضير
- أولا نضع الكنافة في صينية ونضع عليها السمنه ونقلبهم مع بعض حوطي الصينية بعد كدة في الفرن عشان تحمري الكنافة وقلبيها كل شوية عشان كل الكنافه تأخذ لون ذهبي حلو😍
- بعد لما تتحمر خرجيها من الفرن وبعدين حوطي عليها شربات الحلويات وقلبيهم مع بعض كويس وبعد كدة جيبي بولات للتقديم وحوطي فيها طبقة من الكنافة وبعد كدة قطعي موز عليها وبعد كدة طبقة من الكريمة وبعد كدة رشي كنافه من فوق وحوطي موز زيني بية 😍
- قدمي الكنافه بعد كدة واستمتعي بالطعم التحفه بجد حلوة أوي👌 جربيها هتعجبك جداً وبالعافيه عليكى حبيبتي 😘😍🌹❤️
- 😋😋😋😋
- متنسيش لو جربتيها صوريهالي 📸وابعتيهالي دي حاجة بتفرحني جداً 🤗💞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد