→ كل الوصفات
طريقة عمل كنافه بالكريمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كنافه
- 1 كوب حليب
- 1 ملعقه ك قشطه
- 2 مكعب جبنة كيري
- 1 ملعقه ك سكر
- 1 ملعقه ك نشا
- 1 كيس فانيليا
- 1 كوب سمنه
- 1/4 كوب فستق مطحون
طريقة التحضير
- لعمل الكريمة؛ نزلت 3/4 كوب حليب ضيفت الجبنة -السكر - نذوب النشا في ربع كوب الحليب الباقى وضيفت الفانيليا -قشطه، نستمر في التقليب لحد ما القوام يبقى تقيل زي المهلبيه، ونتركها تبرد
- قبل ما نعمل الكنافه بيوم ندخلها الفريزر علشان لما نطلعها متجمده نعرف نطحنها وتكون كلها قطع صغيرة متساويه، دوبت السمنه، نزلتها على الكنافه وزعتها كويس علشان السمنه توصل لكل الكنافه
- قسمت الكنافه نصفين، وزعت في صينيه "واهم خطوه نعمل جناب عاليه بالكنافه علشان الكريمه ماتطلعش منها" نفرد الكريمه فوق الكنافه وبعدها ننزل باقي كميه الكنافه
- تدخل فرن ساخن على حراره 180 لمده 30 دقيقه، الاول هانشغل الفرن من تحت لحد ما الجناب تأخذ لون، وبعدها نشغل الشوايه وتأخذ لون ذهبي😋 اول ماتخرج نشربها شربات وبعدها نقلبها ونشربها تانى "بس واحده واحده علشان ماتبقاش مسكره اوي" ونزينها بفستق او اي مكسرات
- الشربات؛ 1 1/2 كوب سكر، 3/4 كوب ماء، سيبتهم يغلو 10 دقائق وضيفت عصير ليمونه ورشه فانيليا ونتركه يبرد
- ملحوظك؛ 1- دى القشطة. 2- ممكن نعمل القشطة بـ 2 كوب حليب و 3 ملاعق نشا فقط
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد