→ كل الوصفات
طريقة عمل كنافه بالكريمه 😋 تجنن 😉 ولا اروع سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو كنافه
- 1 كوب سمنه
- كريمه وهنعرف طرقتها
- شربات
طريقة التحضير
- أول حاجه بتعملي الشربات لان الكنافه بتحتاج شربات بارد وهي بتكون ساخنه اللي هو عباره عن٣ أكواب سكر عليهم ٢كوب ماء وعصره ليمون وملعقه صغيرة فانيليا بتحطيهم على النار حتى تمام النضج وبعدين بتسيبه يبرد
- بتعملي الكريمه وهي عباره عن نصف كيلو لبن عليه٣ ملاعق سكر+٣معالق نشا +٢ملعقه كريم شانتيه بتحطي اللبن على النار وتضيفي السكر مع التقليب حتى الذوبان وبعدين بندوب النشاوالكريم شانتيه في نص كوب من اللبن او الماء حسب المتاح عندك وبعدين بنضيفهم الى اللبن مع التقليب ممكن لو متاح عندك قشطه تضيفيها مش متاح مفيش مشكله انا عملتها من غير قشطه وطلعت تحفه ونسيب الكريمه تبرد شويه وندخل على الكنافه
- يفضل ان الكنافه تكون لسه مخرجاها من الفريزر لان دا بيسهل تفتتها وبعدين بتقلبي كوب السمنه مع الكنافه جيداً حتى تتجانس وبتقلبي معاهم ملعقة سكر دي بتعمل على تماسك الكنافه وبتحفظ قوامها
- بتقسمي الكنافه نصفين وفي صينيه مدهونه بتفردي النصف الاول وتساويه كويس وبعدين بتضيفي الكريمه بس بلاش توصليها لأطراف الصينيه عشان متتحرقش منك في الفرن بعد كدا بتفردي النصف الثاني من الكنافه
- بعد كدا تدخليها فرن ساخن على درجه٢٠٠ اول ما الاطراف تأخذ لون تشغلي الشوايه لحد ما تأخد اللون الجميل بتاعها تطلعيها من الفرن تسقيها بالشربات البارد ولما تبرد دخليها الثلاجه شويه وبعدين تقدميها وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد