→ كل الوصفات
طريقة عمل كنافه بالكريمه في البيت بخطوات سهلة. المقادير: 1/2 كيلو كنافه، كوب سمنه سايحه، 1/2 كوب سكر بودره، 1/2 كوب كريمه لباني وغيرها.
المقادير
- 1/2 كيلو كنافه
- كوب سمنه سايحه
- 1/2 كوب سكر بودره
- 1/2 كوب كريمه لباني
- 3 ملاعق نشا
- 2 ونص كوب لبن
- 3 كوب سكر
- 2 كوب مايه
- ليمونه
- فانيليا
- ملعقه عسل نحل كبيره
طريقة التحضير
- في الاول نجهز الكنافه 😄يلا بينا نطلع الكنافه من الفريزر ونضربها في الخلاط لسهوله التقطيع وسرعته وبعد كدا نحط السمنه ونقلب نقلب وبعدين السكر البودره ونقلبهم في بعض وكدا تكون اول خطوه جاهزه
- الخطوه التانيه نجهز الشربات ندوب السكر في المايه ونرفعهم علي النار مع التقليب المستمر لحد ماالسكر يدوب وبعد ١٠ دقايق مثلا ننزل بالليمون واخر حاجه الفانيليا ٥ دقايق ونقفل ومعلقه عسل النحل اوعي تنسيها
- الخطوه التالته تحضير الكريمه سهل وبسيط ندوب النشا في اللبن ونقلب ونحط عليهم الكريمه ١٠ دقايق علي النار لحد ماالقوام بتاعها يتقل ونقفل عليها لحد ماتبرد 🙂
- ماتنسيش وانتي بتحطي الكنافه في الصينيه تدوسي عليها بإيديك حلو في كل اتجاه ودا علشان تبقى متماسكه ماتفكش وتقسميها نصين نص تحت بعد ماتدهني الصنيه وبعدين الحشوه الكريمه وبعديين اخر حاجه النص التاني من الكنافه تدخلي الفرن علي درجه حراره ٢٠٠ وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد