→ كل الوصفات
#حلويات_امي
المقادير
- 0.25 كيلو كنافه
- 0.25 كوب جوز هند
- 0.25 كوب سمن بلدي
- 0.25 كوب شربات خفيف دافي
- كوب كريم شانتي بودر بدون سكر
- كوب لبن مثلج
- 3 معالق سكر
- 0.5 كوب عصير مانجه مركز بدون سكر(اختيارى)
- كيلو مانجه
طريقة التحضير
- ندخل الكنافة الفريزر لمده ليله حتي تتجمد وبعدين نطلعها ونفرمها بايدنا ونسيبها تفك وعلي النار نضع طاسه وبها السمن واول مايسخن ننزل بالكنافه ونشوحها كويس علي نار هاديه لغايه ماتتحمر
- اول ماتصفر ننزل بجوز الهند ونقلبه تقليبتين معاها ونطفي النار ونضيف الشربات الدافي ونقلب كويس ونضع الكنافة في بايركس ونعمل طبقه ونضغط عليها كويس بالمعلقه
- نضرب الكريم شانتي مع اللبن المثلج والسكر حتي يتقل قوامها وبعدين نضيف عصير المانجه ونخفق كويس وبعدين ننزل بالكريمه علي طبقه الكنافه
- نقطع المانجه مكعبات ونوزعها علي الكريمه و نضرب الصينيه ضربتين بالراحه ع الرخامه وبعدين ندخلها التلاجه 4ساعات ونقدمها بالهنا والشفا❤
- خطوه اختيارى... ندهن المانجا بجيلي التلميع او بشربات حلويات او عسل جلكوز مخفف بماء او عسل نحل عشان تبقي بتلمع وتحافظ علي شكلها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد