→ كل الوصفات
#حلويات_رمضان 🌙
المقادير
- 1/2 كيلو كنافه
- 1/2 كوب سمنه سايحه
- 2 معلقه كبيره سكر بودر
- مكعبات مانجا
- بيوريه المانجا
- شربات كنافه
- الكريمه
- كوب كريم شانتيه خام
- 1/4 كوب باستري كريم
- كيس لبن بودر نيدو
- معلقه صغيره فانيليا سائلة
- 1/4 كوب سكر عادي
- كوب ماء مثلج
- 1/4 كوب بيوريه مانجا
طريقة التحضير
- اول حاجه بنجيب الكنافه المتفرزه قبلها بيوم في الفريزر علشان يبقى سهل نفتته وننزل عليها السمنه السايحه ومعلقتين سكر بودر ونبس السمنه في الكنافه كلها
- ونجيب صاج او صينيه كبيره ونفرد الكنافه وندخلها فرن على درجه حراره ٢٢٠ في الرف اللي في النص علشان تتحمر كويس وكل شويه نقلبها لحد ماتاخد كلها لون ذهبي حلو
- ونترك الكنافه تبرد ثم نضع عليها معلقتين كبار شربات كنافه (مقاديره ٢كوب سكر + كوب ونص ماء + نص ليمونه) ونقلب الكنافه كويس ونتركها على جنب
- تاتي حاجه بنعمل الكريمه (بندوب السكر مع الماء المثلج بالمعلقه او سبتيوله ثم نضع باقي المكونات ونقلب ثم نضرب بالمضرب الكهربائي على اعلي سرعه لمده ١٠ دقائق متواصله (والطريقه بالتفصيل في الوصفات)
- المانجا بتدي طعم مميز في الكريمه وممكن نبدل المياه المثلجه كلها ونحط بدلها بيوريه المانجا واللي هو مانجا مضروبه في الخلاط فقط من غير ماء - والمانجا نطلعها متجمده علشان يبقي سهل نقطعها مكعبات
- وبنجيب بوله او صينيه بيراكس او زجاج شفاف او كوبات علشان تبان الطبقات ونحط اول طبقه الكريمه ثم الكنافه ثم بيوريه المانجا بيخليها غنيه وجوسي 😋وبعدها مكعبات المانجا ثم نوزع بالمعلقه شويه من الشربات علي المانجا ونكرر نفس الخطوات واخر طبقه الكريمه ثم مكعبات المانجا وعليها نوزع معلقتين شربات ونحط على المانجا جيلي تلميع ونزين بكريز ورشة فستق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد