→ كل الوصفات
طريقة عمل كنافه بالمانجو و الشكولاته سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كنافه متفرزه قبلها بيوم
- كوب سمنه
- 1/2 كوب سكر بودر
- للحشو و التزين :.👇🏻
- 2 حبات مانجو متقطعه قطع
- كوب مانجو مضروب في الخلاط مع 5 سكر
- 2 كوب شكولاته
- 3 اكياس كريمه فانليا خفض دريم مع كوب لبن بارد
- 2 علبه قشطه بوك او واحده
- للشربات
- 2 كوب سكر و كوب ماء و لمونه و كيس فانليا
طريقة التحضير
- اعمل الشربات : اجيب حله صغيره و أحط فيها ٢ كوب سكر و كوب ماء و اول ما يغلي أحط المونه و كيس الفانليا و اقفل عليه
- اجيب بوله أحط فيها الكنافه و افتفتها او اضربها في الكابه و بعدين أحط عليها كوب السمنه و نصف كوب السكر المطحون و افركها ب ايدي
- اجيب صنيه صاج و ادهنها سمنه و أحط فيها الكنافه و ادخلها الفرن في الرف اللي في النص علي درجه حراره متوسطه و يكون الفرن شغال من فواق بس وكل شويه اقلب فيها لحد ما تاخد لون دهبي كلها
- اجيب بوله و أحط فيها ٣ اكياس كريمه الخفض مع كوب و نصف لبن بارد و اضرب بالمضرب الكهربائي و بعدين أضيف القشطه و كوب المانجو المضروب في الخلاط مع خمس معالق سكر و اضرب تاني بالمضرب
- اجيب صنيه بيركس و أحط فيها طبقه كنافه و عليها خمس معالق شربات ونصف طبقه صوص الكريمه و قطع من المانجو.... و النصف التاني أحط كوب الشكولاته وشويه بندق
- الطبقة التانيه أحط باقي الكنافه و عليها صوص الكريمه و صوص مانجو من اللي مضروب في الخلاط و بعدين قطع المانجو ✋
- وكده خالصنا و بألف هنا ع قلبكم يارب و رمضان كريم🌙❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد