→ كل الوصفات
#مريولي_باسمي الوصفه دي كلنا بنحبها متخليش حاجه توقف معاكي لو معندكيش مانجا خليها فراوله وحطي جيلي فراوله علي الوش معندكيش جيلي مش لازم انا استخدمت كنافه وكنت عاملها بالكريمه عندك كنافه وساده اعملي حمريها بسمنه وشويه سكر صغيرين ورشه فانليا علي وش وقلبي ويلاه المهم انك تبدعي ولوحاجه وقفت معاكي خليكي عرفه أن احسن شيف في العالم يامه حاجات وقفت معاه وحاجات اتحرقت ابداعي وطلعي الشيف اللي جواكي حاجات بسيطه حتبسط أولادك وبالهنا سمي الله ويلاه
المقادير
- 1/4 كيلو كنافه بالكريمه معموله من قبل ممكن كنافه من غير كريمه عادي ممكن تكوني عامله الكنافه وبناخد منها كام قطعه للوصفه
- كيس جيلي 70جرام
- 2 مانجا متقشره ومتقطعه
طريقة التحضير
- بسم الله الرحمن الرحيم طريقه الكنافه والشربات كنت عامله من قبل 👇👇
- حاناخد قطعه من الكنافه وتكون بارده نضعها في كأس او كوب اواي حاجه حتقدمي فيها ثم نحضر مانجا ونقشرها ونقطعها ونضعها فوق الكنافه
- ثم نكون محضرين من قبل جيلي مانجو وبارد وحطينه في تلاجه بقاله ساعه بس لسه مجمدش كله علشان يكون سهل انك تعملي طبقه فوق المانجه وفي نفس الوقت لوكان سائل ولسه معمول الكنافه حتشربه لكن احنا عاوزينه يكون بارد وقرب يتجمد شويه كده حيكون تقيل وحيعمل طبقه فوق المانجه ويديها لمعه. وطريقه الجيلي ،👇كنت عامله من قبل
- ثم نضع الكاسات في تلاجه لمده 4ساعات وتتقدم والطعم حيكون تحفه أن شاءالله لوحبه تحطي قطع مانجه في أول الكاس وبعدين كنافه وبعدين قطع مانجه وبعدين الجيلي في الاخير زي ماتحبي معندكيش جيلي وتعمليها كنافه بالمانجو بس عادي معندكيش مانجا عندك فراوله حلو وجميل اي حاجه ابدعي طلعي الشيف اللي جواكي🤣🤣 وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد