→ كل الوصفات
#المطبخ _العربي_الاقوى الوصفه دى عاملاها في رمضان
المقادير
- 0.5 كيلو كنافه
- معلقة كبيرة سكر بودرة
- شربات
- مكونات الكريم شانتيه
- 0.25 كيلو كريم شانتيه سادة
- 0.5 كيس لبن نيدو صغير
- كوب لبن مثلج
- سكر بودرة
- الحشوة التانيه
- جبنة كيري او علبه جبنة المراعى الحلو اللى بتتباع في جردل نص كيلو دى وربع كيلو اى حاجه منهم
- 0.5 كيس لبن نيدو
- 0.5 كوب لبن
- سكر بودره
- سمنه بلدي او زبدة سايحه
- علبة قشطة حلويات صغيرة اى نوع
- صوص المانجه
- قطع مانجه
- معلقة نشا كبيرة مذوبة في ربع كوب ماء او نص كوب ماء لو عاوزة تضاعفى كمية الصوص شوية
- ملعقة كبيرة سكر لو المانجه مسكرة
- رشة صغيرة فانيليا
طريقة التحضير
- نحط الكنافه كان ساعه في الفريزر لحد ماتمسك نفسك وتجمد عشان تكون سهلة التفتيت بالايد لحد ماتكون ناعمه او نعملها بالكبه
- نرش ملعقة السكر على الكنافه وسمنه سايحة ونشربها السمنه كويس وبعدين نفردها في صينيه وعلى نار وسط ونقلبها يا عالبوتجاز نار هادية ونقليب كويس نقف جمبها عشان بتحمر بسرعه مالسكر بعد ماتاخد لون دهبي حلو نشيلها ونحط عليها في طبق على جمب شربات بارد نقلب الشربات مع الكنافه
- نجهز الكريم شانتيه نضرب كل المقادير بالمضرب لحد مالكميه تتضاعف ونحطها في كيس الحلوانى وندخلها التلاجه
- نجهز الحشوة التانيه نضرب الجبنة مع السكر البودرة لحد مايختفي وبعدين نضيف القشطة واللبن البودرة واللبن السايل ونضرب كويس بالمضرب وبعدين نحطها في كيس حلوانى وندخلها التلاجه
- نحضر صوص المانجه نحط قطع المانجه على نار هادية جدا على شعله القهوة مثلا ومعاها السكر ونغطيها ونسيبها لحد ما السكر يدوب مع المانجه بعدين نحط رشة صغيرة فانيليا وننزل بالنشا المذوبة اما يغلى وتتقل ونطفي ونسيبها تبرد
- نحضر الصينية او الطبق الكبير اللى هنعمل فيه او ممكن كاسات ونحط طبقة كنافه وطبقة كريم شانتيه بكيس الحلوانى اى نقشة وطبقة كنافة وطبقة تشيز كريم وصوص مانجه ونفس الخطوات لحد الوش نحط كريم شانتيه وفوقه صوص المانجه وكريم شانتيه وتشيز عالحروف وقطع مانجه فالصوص عالوش شرايح وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد