→ كل الوصفات
#حلويات_رمضان
المقادير
- ½ كيلو كنافه
- كوب سمنه على زبده
- كوب من اي نوع عصير او شربات
- الحشو
- بيضه و3 صفار بيض
- 3 معالق نشا
- 3 معالق زبده طريه
- علبه قشطه
- 2 كوب لبن
- 6 معالق سكر
- معلقتين فانيليا
- 3 جبنة كيري
طريقة التحضير
- الكنافه يفضل تكون في الفريزر من قبلها بيوم
- نفتت الكنافه بايدينا او في الكبه ونحط في الطاسه جزء من السمنه والزبده ونحط شويه من الكنافه على حسب حجم الطاسه
- نفضل نقلب كل شويه عشان متتحرقش لحد ما نوص للون الذهبي ونشيله على جنب
- ونحط سمنه وزريده تاني ونحط شويه كنافه تانيه ونحمرها وهكذا لحد ما نخلص الكنافه
- ممكن نسيب الكنافه زي ما هي واللي بيحبها مسكره نحط عليها اي نوع عصير او شربات بس ميكونش تقيل اوي
- البسيتري كريم نحط البيضه وصفار البيضه في بوله ونقلبهم كويس ونحط عليهم السكر والنشا ورشه ملح ومعلقه فانيليا ونقلب كويس
- نحط اللبن مع ملعقة فانيليا على النار تكوم متوسطه لحد ما يبدا يغلي نطفي عليه
- الخطوه دي مهمه جداً نحط شويه من اللبن في كوب وبالتدريج خالص نصب حبه من كوب اللبن على البيض ونقلب بسرعه اوي بمضرب سلك ونزود حبه كمان ونقلب بسرعه وهكذا لحد ما نخلص الكوبايه (الخطوه دي مهم التركيز فيها عشان البيض ميستويش)
- نحطهم الخليط ده على النار ونقلب كل شويه لحد ما يتقل وبعدين نطفي النار ونضيف الزبده ونقلب
- لما يبرد نضيف القشطه ونقلب بمضرب سلك ونشيله في الثلاجه
- ممكن نسيب الحشو كده وممكن نسيح الجبنة الكيري ونحطها عليهم بتبقى احلى كتييييير
- نحط طبقه كنافه وطبقه من الكريم وطبقه تانيه كنافه وطبقه كريم
- ممكن حاجه تانيه جربتها بس مصورتهاش نسيح اي شوكولاته دارك وناخد جزء من الحشو ونقلبه مع الشوكولاته ونص ملعقة قهوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد