→ كل الوصفات

كنافه ديسباسيتو

طعمها حلو اوووي ماشاء الله وخفيفه جدا هتعجبكم ان شاء الله #عمايل_ايديا #اكلات_هنيه #الشيف_الذهبي

  • 1/2 كيلو كنافة
  • من 1/2 الى 3/4 كوب سمنه سايحه
  • 3 م ك سكر بودرة او شربات كنافة
  • 2 كوب كريمة خفق حلويات او 1/4 كيلو كريم شانتيه
  • كوب ونص حليب بارد
  • م ص فانيليا
  • 1 ل (2 م ك) سكر بودرة ع حسب الحاجةلوحاسه انك حطيتي شربات او سكر
  • بودر ف كنافة كتير قللي من سكر بودرة ف كريمه
  • مكسرات مطحونه ع حسب الرغبه
  • برطمان نوتيلا
  • برطمان زبدة بسكويت أولكر او لوتس
  • تقدري تستخدمي صوص كراميل او اوريو او فاكهه مانجو او خوخ براحتك
  1. هنجيب كنافة لو ف حاله هنحطهم كلهم ف طبق واحد كبير (في صينيه تشيز كيك) هتقطعي الكنافه بالسكينة علشان تكون خشنه شويه بس لو هتعمليها زيي كده ديسباسيتو ف هتجيبي قوالب ديسباسيتو او قوالب جاتوكس ساعتها هتاخدي كنافه وتضربيها ف الكبه لحد ماتطلع صغيره شبه الشعريه كده وناعمة
  2. هنحطها ف بولة وهنحط عليها نص سمنه سايحه وسكر بودرة او شربات ونخلطهم مع بعض كويس
  3. عندك حلين لاما تحمصيها ف الفرن لحد ما لونها يكون دهبي لاما تعملي زي مانا عملت حطيتها ف طاسه وفضلت اقلب لحد ما لونها بقى دهبي وصوت القرمشه بتاعتها بقت واضحة ونقفل عليها
  4. بالنسبه للكريمه لاما هنجيب كريمه خفق ونضربها كويس بالمضرب الكهربائي او نضرب الكريم شانتيه ف حليب بارد لحد ماتبقى متماسكة شويه ونحط فانيليا وسكر بودرة و نضربهم لحد ماالقوام يكون كويس
  5. هنجيب اطباق هنرص الكريمه الاول او ممكن ناخد جزء من كريمه مع شويه نوتيلا ونحطها اول طبقه او ممكن تحطي كنافه اول طبقه وبعدين بكيس حلواني هنعمل طبقه كريم شانتيه وبعدين نحط كنافه تاني وبعدين نحط زبدة البسكويت او نوتيلا او مكسرات حسب ماتحبي او ممكن تحطي كريمه وبعدين كنافه وبعدين نوتيلا وبعدين كنافه كريمه وبعدين كنافه
  6. او ممكن تعملي طبقه كنافه وفوقها طبقه بيوريه مانجو (تاخدي مانجو تضربيه ف الخلاط الكهربائي لحد ماتبقى بيوريه) ونحط كنافه تاني وشويه كريم ونزين بقطع مانجو براحتك طبعا كل تزيين وكل طرق صحيحه وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →