→ كل الوصفات
#حلوانى_رمضان
المقادير
- 0.5 كيلو كنافه
- كوب الا ربع زبده سايحه
- 2 معلقه سكر بودرة
- عصير قمر الدين مركز
طريقة التحضير
- اولا بحضر الكنافه من بالليل واحطها في الفريزر ولما اعملها اطلعها وفركها بايدى وهى مجمده هتتفتفت على طول الخطوه دى بتسهل معايا اكتر انى افتفتها خالص عشان ميبقاش في حتت مكلكعه
- واحط الزبده السايحه ومعلقتين سكر بودرة عشان تبقى متماسكه ومقرمشه وافركهم مع بعض كويس جداً واحضر صينيه الكب كيك وابتدى احط كميه مناسبة واضغط جامد عليها واسيب في النص تجويف عشان اعرف احط صوص قمر الدين
- وادخلها الفرن لحد ماتاخد اللون الذهبي واخرجها ملحوظه حابه تسقيها وبعدين تحطى الصوص براحتك حسب الرغبه.. انا لماخرجت من الفرن سقيتها معلقتين صغيرين عسل وبعدين الصوص والمكسرات وكده بيكون افضل عشان ال ياخذ واحده يقدر يكملها وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد