→ كل الوصفات
طريقة عمل كنتاكي 🍗😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخه كيلو ونص او كيلو
- ملح وفلفل اسود حسب الرغبة
- بهارات فراخ
- ثوم وبصل باودر
- زنجبيل
- بابريكا
- كيس خلطة ماجي للبرجر
- حبهان
- قرفة
- ٣ ملاعق كبار دقيق
- نصف كيلو لبن
- ماء مثلجة
- كيس خلطة دجاج كرسبي حارة
- زيت للقلي
طريقة التحضير
- تغسل الفرخة جيداً وتنقع في محلول به مياه وملح وسكر وباكينج باودر وتقطع الى ٨ قطع ونعمل غرز بالسكين في الدجاج عشان يشرب من التتبيلة ويستوي معانا بسرعة
- نضيف ملعقة ملح وفلفل اسمر ورشه حبهان ورشه قرفة ومعلقه زنجبيل ومعلقه ثوم باودر ومعلقه بصل باودر ومعلقه بابريكا ومعلقه من بهارات الفراخ وكيس خلطه ماجي البرجر ونضيف نصف كيلو لبن للخلطه و٣ ملاعق كبار دقيق وممكن نزود لحد ما نخلي الخليط ثقيل وسميك ونضيف له ال ٨ قطع فراخ وتنقع فيه ليله كامله او اقل حاجه ساعتين
- زيت غزير هنحطه في حله غويطه على النار ويبقى سخن جداً
- هنجيب دقيق وهنخلط معاه خلطه الكرسبي الحار ومعلقه من كل البهارات اللي فوق دي وهنحط فيه الفراخ ونعفرها كويس وننزلها في ماء مثلجة ثواني ونطلعها وننزلها تاني في خلطه الدقيق وننفضها وننزلها في زيت سخن غزير على نار عاليه اول ١٠ دقائق
- وبعدين نخفف النار ربع ساعة وبعدين نعلي النار تاني ٥ دقائق ونطلعها على مصفاه مخرمه عشان تحافظ على قرمشتها وما تطراش وبالف هنا وشفا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد