→ كل الوصفات
العجينة ملازمش تكون طرية مثل عجينة البيتزا انا هاد العجينة ديتها من ام يارا حلويات اقتصادية وراقية الله يعطيها الصحة هاد عجينة دائما تخرج لي ناجحة
المقادير
- 2 كيسان فرينة (مايعادل 250مل)
- 1/2 مغرف صغيرة ملح
- 1/2 مغرف صغيرة سكر
- 1/2 مغرف صغيرة خميرة كيميائية
- 1/2 مغرف صغيرة خميرة الخبز
- 3 مغارف كبار زيت
- مغرف زبدة ذائبة
- 1/2 كأس ماء دافئ (حسب الحاجة)
- الحشو
- كمية من الارز مغلي
- قطعة جبن
- ملح
- قرصة فلفل اسود
- مغرف كبيرة نشاء (مايزينة)
- كاس حليب ما يعادل (240مل)
- زيتون مقطع
طريقة التحضير
- بنسبةلطريقة التحضير نحضر إناء ونحط فيه 2كيسان فرينة ونضيف نصف مغرف ملح ونصف مغرف خميرة الحلوى ونصف مغرف صغيرة سكر ونصف مغرف صغيرة خميرة الخبز 3مغارف كبار زيت ومغرف كبيرة زبدة
- ونبقى نضيف ماء دافئ بتدريج (حسب الفرينة) قيس نتتلم عجينة كما في الصورة ونترك العجينة ترتاح مدة 15 دقيقة
- طريقة تحضير الحشو: في كاسرونة نضع كأس حليب مع مغرف كبيرة نشاء نحطها فوق نار على نار متوسطة مع تحريك المستمرحتى غليان نطفي عليها ونضيف قطعة جبن ملح وربع مغرف صغيرة فلفل اسود
- نخلط بواسطة فوي ونضيف كمية لأرزمغلي وزيتون (هنا لي يحب يدير الجلبانة وقطع الجزر اختياري) نفرغها في صحن ونخليها تبرد كم في صورة
- بعد ما رتاحت العجينة نحلها بواسطة حلال ونفتح العجينة رقيقة ونقطعها شرائح طوال كما في الصورة ونلويها على القمع او (كورنيات) (بلا متدهنو قمع عجينة مراحش تتلصق)
- في صنية نضع ورق الطهي ونضع الكورنيات وندهب (صفار بيضة ومغرف صغيرة قهوة ومغرف صغيرة خل) ندخلهم للفرن مسخن مسبقا على نار متوسطة حتى يتحمرو نعمر كورنيات بل حشو ونغطس كورني في جبن مبشور ونقدمهم كا مقبلة مع سلاطة او شربة
- بالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد