→ كل الوصفات

كوسا بالبشاميل

بطعم رائع وطريقه سهلة جربي معايا الكوسا بالبشاميل #الكوسا #الكوسة #كوسة_بالبشاميل #بشاميل

  • كيلو كوسة مقورة
  • لتر زيت للقلي
  • ½ كيلو لحمه مفرومه
  • معلقه صغيرة زيت
  • بصله صغيرة مفرومة ناعم
  • ½ معلقه ملح
  • ½ معلقه صغيرة فلفل اسود
  • ¼ معلقه بصل بودرة
  • ¼ معلقه توم بودرة
  • 2 معلقه سمنه
  • 2 معلقه دقيق
  • ½ لتر لبن
  • ½ معلقه ملح
  • ½ معلقه فلفل اسود
  • رشه جوزة الطيب
  • ¼ كوب جبن مشكلة
  1. نجيب الكوسا نغسلها كويس و نصفيها ونحط لتر الزيت في طاسه علي النار واول ميسخن كويس ننزل بالكوسة ونشوحها من كل الاتجاهات وبعدين نطلعها علي منديل مطبخ تتصفي من الزيت وتبرد
  2. في حلة علي النار نحط معلقه الزيت تسخن وننزل عليها بالبصل المفروم واول ميدبل ننزل باللحمة المفرومه ونقلبيبها كويس مع البصل ونفككها
  3. ننزل عليها بالفلفل الاسود والبصل والتوم ونقلب كويس ونسيبها لحد متستوي وبعدين ننزل بالملح تقليبه ونطفي النار ونسيبها تبرد
  4. في حلة تآني نحط السمنه تسخن كويس وبعدين ننزل عليها بالدقيق ونقلب كويس لحد ميختلط كويس بالسمنه وياخد لون دهبي فاتح ننزل باللبن ونقلب كويس جدا لحد م يبقي ناعم ومفيش أي تكتلات ننزل بالملح والفلفل الاسود وجوزة الطيب ونقليبه كويس لحد ميتقل شويه
  5. نبدء نحشي الكوسة بالعصاج كويس ومنسبش فراغ
  6. نجيب طبق فرن نحط فيه كبشه من البشاميل ونبدء نرص الكوسا عليه وعلي كل واحده من الكوسا نحط معلقه بشاميل وعليهم نرش الجبن
  7. ندخلها الفرن علي درجه حراره ١٨٠ لمده ٢٥ دقيقه واخر ٥دقايق نولع الشوايه
  8. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →