→ كل الوصفات

كوسا بمية بندورة

طريقة عمل كوسا بمية بندورة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 .للحشو:-
  • 1/4 كيلو لحمة مفرومة قليلة دهن
  • كاسة رز حبة طويلة او حبة قصيرة حسب الرغبة
  • رشة ملح
  • رشة فلفل اسمر
  • معلقة كبيرة بهار مخلط
  • رشة هيل
  • رشة جوز الطيب
  • 1/2 معلقة كبيرة قرفة
  • معلقة كبيرة دهن دجاج
  • 1/4 كاس زيت ذرة او حسب الحاجة
  • 2 .للمرقة:-
  • 6-7 كاسات ماء مغلية حسب الحاجة لتغطية الكوسا
  • رشة ملح
  • رشة فلفل اسمر
  • 4 معالق مية بندورة
  • 1/4 حبة بطاطا مقسمة مربعات لتسكير الحبة
  • 3-4 حبات بطاطا للحشو ان ضل حشوة زيادة
  1. بحفر الكوسا منيح وبغسلهن من برا وجوا
  2. بهذا الوقت منسلق الرز منحط عليه ماء مغلية من ربع ساعة لنص ساعة تنو تنفش معنا حبة الرز
  3. بعدها بصفيها من الماء ويتبل الرز بحط رشة الملح والفلفل الأسمر ومعلقة بهار لمخلط
  4. وبضيف الهيل وجوز الطيب والقرفة
  5. ودهن الدجاج والزيت واللحمة
  6. وبخلطهن منيح
  7. اسا بحشي كل حبة نصها بس مش كلها ان كانت الحبة صغيرة نصها وان كانت كبيرة وعريضة ثلث أرباعها
  8. وبقسم بطاطا مربعات لتسكير الحبات وضل معي زيادة حشوة عملت بطاطا محشية
  9. بحطهن بطنجرة وبغطي الكوسا بماء مغلية وبرش ملح وفلفل اسمر
  10. وعلى جنب بحط أربع ملاعق مية بندورة وبدوبهن بماء مغلية
  11. بعدها بضيفهن فوق الكوسا وبحط صحن فوقهن ليتغمرو منيح لمدة نص ساعة من بعد متغلي الماء منيح وبعد النص ساعة بقيم الصحن
  12. وبكمل فيهن للاستواء كمان نص ساعة بدون صحن يعني مدة الاستواء على النار تقريبا ساعة كاملة وان حبات كبيرة بزيد الوقت من ساعة لساعة ونص استواء وبخليهن على نار وسط مش عالية كتير ولا هادية كتير
  13. وصحتين وهنا🌺
عجبتك الوصفة؟
شوف كل وصفاتنا في مكان واحد
كل الوصفات →