→ كل الوصفات
#وصفة_دايت
المقادير
- 1/2 كيلو كوسة
- 1/4 كيلو طماطم
- 1/2 كيلو لحم مفروم
- بصلة كبيرة
- كوبين حليب
- معلقتين كبار دقيق شوفان
- بيضتين
طريقة التحضير
- نسخن الحلة اللي هنعمل فيها العصاج ونضيف اللحمة بدون مادة دهنية وننزل بالبصل ونقلب كويس ونغطي ونتركها تستوي على نار هادية
- نعصر الطماطم ونضيفها على العصاج ونتركها تتسبك مع إضافة ملح وفلفل ورشة سكر صغيرة
- نقشر الكوسة ونقطعها حلقات ونرصها في الصينية اللي هتخش الفرن مع نصف كوب ماء ورشة ملح ورشة كركم ونغطيها ونسيبها تستوي
- نطحن الشوفان وتحوله لدقيق علشان البشاميل
- نضع كوبين الحليب على النار مع دقيق الشوفان والملح والفلفل لحد ما يغلي مع التقليب
- نضع البيضتين في طبق وننزل عليهم بجزء من الحليب علشان نوصله لدرجة حرارة مناسبة
- ونقلبه بشوكة ونرجعه تاني الحلة ونطفي النار ونتركه يرتاح عشر دقائق قبل وضعه في الصينيه
- نلاحظ أن القوام تقل ونصبه على طبقة الكوسة وعليها طبقة العصاج وعليها البشاميل
- تدخل الفرن تحت الشواية فقط وتقدم جمب سلطة خضراء وتكون وجبة متكاملة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد