→ كل الوصفات

كوسة بالبشاميل 😋💓

الكوسة بالبشاميل من الوصفات اللذيذة جداً👌 جربي الكوسة بالبشاميل وإن شاء الله هتعجبك جداً بسيطة في التحضير ولذيذة جداً في الطعم😋😍

  • 1 كيلو كوسة
  • لعمل عصاج اللحمة نحتاج
  • 1/2 كيلو لحمة مفرومة
  • 1 بصلة كبيرة مبشورة
  • 1 ملعقة صغيرة ثوم مفروم
  • 1 ملعقة صغيرة ملح
  • 1 ملعقة صغيرة فلفل اسود
  • 1 ملعقة صغيرة بابريكا
  • 1 ملعقة صغيرة بهارات لحمة
  • رشة جوزة الطيب
  • 1/2 ملعقة صغيرة سكر
  • 2 كوب عصير طماطم
  • 1 ملعقة كبيرة صلصة طماطم
  • لعمل البشاميل نحتاج
  • 3 ملاعق كبيرة دقيق
  • 3 ملاعق كبيرة زبدة
  • 3 كوب لبن
  • 3 قطع جبنة كيري
  • 1 ملعقة صغيرة ملح
  1. أولا أغسلي الكوسة وقطعيها حلقات وبعد كدة جيبي مقلاية وحوطي فيها حبة زيت وحوطي فيها الكوسة وقلبيها حبة على النار وحوطي عليها ملح وفلفل اسود وملعقة صغيرة ثوم مفروم وقلبي الكوسة حبة على النار لمدة 5 دقائق وبعد كدة اقفلي النار على الكوسة😍
  2. لتحضير عصاج اللحمة جيبي مقلاية وحوطي فيها حبة زيت وذبدة او سمنة وبعد كدة حوطي البصل والثوم وقلبيهم مع بعض كويس وبعد كدة حوطي اللحمة المفرومة والملح والفلفل والبابريكا والسكر والبهارات ورشة جوزة الطيب وقلبيهم مع بعض كويس جداً وبعد كدة ضيفي عصير الطماطم والصلصة وقلبيهم مع بعض وهدى النار وسيبي اللحمة تتسبك على نار هادية ولما تتسبك خالص أقفلي النار عليها😍
  3. لتحضير صوص البشاميل بتجيبي حاجة مناسبة وحوطيها على النار وبعد كدة حوطي الزبدة وبعد كدة حوطي الدقيق وقلبيهم كويس جداً وبعد كدة ضيفي اللبن والملح والجبنه الكيري وقلبيهم مع بعض وأستمري في التقليب لحد لما يتقل القوام ويكون كريمي وبعد كدة اقفلي النار على البشاميل 😍
  4. ضيفي اللحمة المفرومة للكوسة وقلبي اللحمة المفرومة مع الكوسة وبعد كدة جيبي صينية وأدهنيها بالزيت وحوطي فيها خليط الكوسة مع اللحمة المفرومة وبعد كدة حوطي صوص البشاميل على الكوسة ووزعيه كويس وبعد كدة دخلي الصينية الفرن وسيبي الكوسة لحد لما تستوي والبشاميل ياخذ لون حلو ويتحمر من فوق😍
  5. خرجي الصينية من الفرن وسيبيها تبرد حبة وبعد كده قطعيها وقدميها مع عيش وسلطة بلدي او رز أبيض براحتك حسب ذوقك بس في كل الأحوال هي تحفه جربيها هتعجبك جداً👌 وبالعافية عليكي حبيبتي 😘💓🌹
  6. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →