→ كل الوصفات

كوسة بالفراخ والبشاميل(اقتصادية)

بربع فرخة اعملى احلى غدا لاسرتك

  • كيلو كوسة
  • م ك توم مفروم
  • 1/2 حزمة كسبرا خضرا مفرومة
  • م ص ملح
  • 1/2 م ص فلفل اسود
  • للحشو
  • 1/2 صدر فرخة
  • 2 فلفل الوان مفروم
  • بصلة مفرومة
  • م ك سمن
  • للبشاميل
  • م ك سمن
  • 2 م ك دقيق
  • 2 كوب لبن حليب
  • 1/4 م ص ملح
  • رشة فلفل اسود
  • للوجه
  • 1/2 كوب جبنة موتزاريلا مبشور
  1. غسلت الكوسة وقشرتها بمقوار مشرشر للشكل
  2. قطعتها حلقات بالورب
  3. شوحت الكوسة مع التوم والكسبرا فى م سمن حتى لاتنزل ميتها
  4. جهزت البشاميل بتشويح م دقيق مع م سمن ثم ضيفت كوب من اللبن حتى يغلى مع التقليب ودوبت باقى الدقيق مع باقى الحليب وضيفته مع ملح وفلفل حتى يكون اخف بدهون اقل
  5. فرمت صدر الفرخة وعصجته مع البصل والفلفل الملون وملح وفلفل
  6. غرفت مغرفة من البشاميل فى ارضية صنية ثم نص الكوسة ثم الحشوة ومغرفة بشاميل
  7. ضيفت باقى الكوسة وصبيت عليها البشاميل والموتزاريلا عالوش
  8. دخلتها الفرن المسخن حتى تحمر
  9. نتركها تهدى وتقطع وتقدم بالف هنا
عجبتك الوصفة؟
شوف كل وصفاتنا في مكان واحد
كل الوصفات →