→ كل الوصفات

كوسة باللحمة المفرومة مع الأرز والكبد والأوانص

وصفاتي لسفرتك في رمضان | كوسة باللحمة المفرومة مع الأرز والكبد والأوانص لو عايزة تشوفي الوصفة تعالي من هنا:

  • كوسة
  • لحمة مفرومة
  • بصل مقطع صغير
  • بصل مقطع جوليان
  • نعناع أخضر
  • سمن أو زبدة
  • فلفل أسود
  • ملح
  • خلطة الثوم والفلفل الرومي الملون:
  • ثوم-
  • فلفل رومي أحمر وأخضر-
  • نعناع أخضر
  • ليه (حسب الرغبة)
  • كبد وأوانص
  • 0.25 معلقة خل
  • فلفل أسود
  • زيت
  • حبهان مطحون
  • كاري
  • بابريكا
  • دبس الرمان
  1. في قدر على نار متوسطة نحط السمنة أو الزبدة. وهي بتسيح نضيف البصل وعليه شوية ملح وفلفل أسود ونقلب
  2. نضيف اللحمة المفرومة ونقلبها مع البصل، في نفس الوقت نكون محضرين صلصة طماطم مضروبة في الخلاط.. ماننساش واللحمة المفرومة بتستوي نزود ماء بمقدار نصف كوب
  3. نخلط مكونات خلطة الثوم والفلفل الرومي في الكبة لحد ما يكون الخليط بالشكل دة، مايكونش ناعم، ونضيف نصه على اللحمة المفرومة ونقلب وبعدين نضيف اللية ودي طبعاً حسب الرغبة
  4. نسكب الصلصة على اللحمة المفرومة ونقلبها وبعدين نغطيها ونتركها كلها تشرب من بعضها وبعدين نضيف ماء بمقدار يغطي اللحمة المفرومة ونقلبها ثم نغطيها
  5. واللحمة بتغلي على النار نضيف الكوسة ونقلب ولو لاقيناها محتاجة ماء نزود ونسيبها بقى على نار هادية تستوي براحتها
  6. ندخل عالكبد والأوانص.. نشوح الكبد والأوانص في زيت نباتي ونضيف ربع ملعقة خل والفلفل الأسود والحبهان المطحون وبعدين شرايح البصل الجوليان والفلفل الرومي الأخضر ، ممكن تحطي فلفل أخضر حامي بدل الفلفل الرومي ونقلب
  7. هنا هنضيف نص خلطة الثوم والفلفل الرومي ونقلب وبعدها نضيف فصوص ثوم مقطعة، فصين ثوم، ونقلب.. بعدها نضيف الكاري والبابريكا ونقلب. ثم نضيف مقدار كوب ونصف ماء ونغطيها ونسيبها تستوي
  8. بعد شوية نشيل الغطا ونضيف ملعقة من دبس الرمان ونقلبه
  9. والنتيجة
عجبتك الوصفة؟
شوف كل وصفاتنا في مكان واحد
كل الوصفات →