→ كل الوصفات

كوسة باللحمة 🐮🍛

احنا اسرة بتمووووت في الكوسة وبناكلها باي طريقة 😅 ودي طريقة جدتي رحمها الله 🤗

  • كيلو كوسة
  • 0.5 كيلو لحمة مكعبات
  • قرن فلفل رومي
  • 2 طماطم كبيرة حمرا
  • معلقتين صلصة
  • معلقتين سمن
  • بصلة متوسطة
  • فص ثوم واحد كبير
  • رشة ملح فلفل كزبرة ناشفة زنجبيل
  1. في حلة على النار معلقتين سمن ونقطع البصله ونصف قرن الفلفل ونشوح شويه ونضيف الثوم ونشوح شويه ونضيف اللحم ونشوحهم كويس جدا سوا مع التوابل والبهارات ماعادا الملح
  2. نضيف حوالي 3 اكواب ماء مغلي ولما يغلو سوا نوطي النار ونسيبها نص ساعه
  3. في الوقت دا نعصر الطماطم مع باقي قرن الفلفل ونقطع الكوسه مكعبات
  4. لو هتعملي ارز بشعرية جنب الكوسه ممكن تاخدي مغرفه كبيرة من الشوربه اللي في اللحمه للارز قبل اضافه الصلصه والكوسه
  5. ضيفي الطماطم المعصورة ومعلقتين الصلصه والكوسة وسيبيهم على نار هادية نصف ساعه كمان تكون اللحمه نضجت وضيفي الملح المناسب ياخدوا غلوة كمان وتقدم ساخنة مع الارز او بالعيش وبالف هنا😋😊
عجبتك الوصفة؟
شوف كل وصفاتنا في مكان واحد
كل الوصفات →