→ كل الوصفات
طريقة عمل كوسة وبطاطس محشيين لحمة مفرومة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لحمة مفرومة
- بصل
- 2 قرن فلفل أخضر
- طماطم
- كوسة حجم وسط
- بطاطس حجم وسط
- مكعب مرقة
- ملح
- فلفل اسود
- بهارات لحمة
- شطة
- زعتر
- بابريكا
- جبنة رومي أو شيدر أو موزاريلا(اختياري)
طريقة التحضير
- هنخرط البصل ونحطه على النار يذبل وبعدين ننزل باللحمة ونقلبها كل شوية لحد ما تتعصج وبعدين نحطلها ملح وفلفل وشطة وبهار لحمة
- على ما اللحمة تتعصج هنكون نجرنا الكوسة وقورناها هي والبطاطس
- التقوير مش هيترمى هيتفرش في الأرضية وبيتاكل عادي طعمه تحفة
- هنضرب الطماطم مع الفلفل الاخضر في الخلاط بيديها طعم تحفة وعليهم مكعب مرقة وملح وفلفل ورشة زعتر ورشة بابريكا وماية عشان تستوي بيها على النار هنحاول نظبط الملح كويس قبل ما نحط الصلصة على الصينية عشان مش هينفع تتقلب لو حطينا تاني وهيبقى ملحها حتى وحته
- هنحشي البطاطس والكوسة كويس باللحمة بعد ما نصفيها من الزيت ونرصصهم في الصينية فوق التقوير اللي طلعناه وبعدين ننزل عليهم بالصلصة لحد ما تبقى في سويهم ونولع على نار عالية لحد ما تبدأ تتشرب نبدأ نهدي النار عشان تستوي
- لما تستوي هندخلها الفرن تأخذ وجه وممكن تحطي عليها جبنة رومي مبشورة أو شيدر أو موزاريلا وبالهنا والشفا 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد