→ كل الوصفات

كوسـة بالبشاميل

طريقة عمل كوسـة بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو كوسة
  • 1/2 كيلو لحمة مفرومة
  • بصلة متوسطة
  • 2 م ك توم مفروم
  • 2 م ك فلفل مفروم
  • 2 جزرة مفرومة
  • م ك سمنة و م ك زبدة
  • لتر لبن
  • باكو بشاميل جاهز
  • موتزاريلا
  • ملح
  • فلفل اسود
  • 7 بهارات
  • توم و بصل باودر
  • بابريكا
  • كمون
  1. نفرم البصل و الجزر و التوم و نشوحهم في السمنة و الزبدة و بعدين ننزل باللحمة المفرومة نحط كل البهارات كلها ما عدا الملح.. تتغير لون اللحمة نحط حوالي ربع كوباية ماية تستوي.. و في الآخر نحط الملح
  2. الكوسة بنقطعها دواير أو شرايح طويلة بنسلقها نص سلقة حوالي ٥ دقايق مش أكتر
  3. البشاميل بنحط لتر اللبن و بعدين باكو البشاميل بنقلب لحد ما نوصل للقوام اللي عايزينه
  4. في صينية نحط مغرفة بشاميل و بعدين شرايح الكوسة و بعدين اللحمة المفرومة و بعدين شرايح كوسة تاني و بعدين البشاميل و الموتزاريلا و ندخلها الفرن.. و بألف هنا 😍
عجبتك الوصفة؟
شوف كل وصفاتنا في مكان واحد
كل الوصفات →