→ كل الوصفات

كوسه بالباشميل بطريقه سهله و طعم يجنن❤️

للغداء

  • 2 كيلو كوسه مقطعه حلقات وسط
  • 1/2 كيلو لحمه مفرومه
  • ربع كيلو بصل مفروم ناعم
  • نصف كوب زيتون
  • نصف كوب سمنه
  • نصف كوب دقيق
  • كيلو حليب
  • نصف معلقه فلفل اسود
  • نصف معلقه بهرات
  • بشرة جوزة الطيب
  • ملح حسب الرغبه
  • ورقتين لورى
  1. هنعصج اللحمه فى حله ع النار هنحط شوية زيت مش كتير و ننزل بالبصل نشوحه و ننزل عليه بورق اللورى و جوزة الطيب و الفلفل الاسود و البهرات بعدها ننزل باللحمه هنقلبها لحد ما لونها يتغير و ننزل بالملح و نطفي النار و ننزل بالزيتون و ممكن نستغنى عنه عادي
  2. هنجهز البشاميل هنحط حله ع النار و ننزل بالسمنه و لمه تسيح ننزل بالدقيق و نقلب بالمضرب اليدوي على نار وسط لمده دقيقه و بعدها نوطي النار و ننزل بالحليب تدريجيا هنحط ملح و فلفل و نقلب لحد ما يوصل لقوام مظبوط ولو طلع خفيف هنحط معلقة دقيق ع ربع كوب مياه ولو تقيل زياده عن اللزوم هنحط مياه تدريجيا لحد الكوام الكريمي المظبوط و المقادير هتخليه مظبوط اصلا ان شاء اللَّه بس حبيت اضيف معلومه للاحتياط
  3. هنشوح الكوسه طاسه ع قدها مبتلزقش و هنحط معلقتين سمنه و معلقة زيت و هننزل بالكوسه و نرش ملح و فلفل و نقلبها تقلبتين و نطفي
  4. هنجيب صينيه نحط فيها كبشة بشاميل و نظزل بنصف كمية الكوسه و بعدها ننزل باللحمه و بعدها ننزل بباقي كمية الكوسه و ننزل بالبشاميل و قبلها نكون مسخنين الفرن و نحطها على. نار وسط 180 و بعد ساعة تقريبا هنختبرها بشوكه او سكينه لمه نلقيها استوت نقدمها باللهنا و الشفى مع عيش بلدي و بطاطس محمره و مخلل احلى اكله او مع ارز بالشعريه زي ما تحبو♥️
عجبتك الوصفة؟
شوف كل وصفاتنا في مكان واحد
كل الوصفات →