→ كل الوصفات
طريقة عمل كوسه بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كفته
- 1/2 كيلو كوسه
- بصله وسط
- ملح وفلفل حسب التذوق
- 1/2 كيلو لبن
- معلقتين كبار دقيق
- بيضتين
- 1/2 كوب موتزاريلا
طريقة التحضير
- طاسه عالنار هنسخنها حلو جدا وننزل فيها بشرايح البصل تتقلب تشوحتين وننزل بالكفته ونقلبها كويس لما تمسك نفسها هنقسمها قطع بالمعلقه لما تتشوح حلو جدا هننزل بالكوسه ونغطيها ونسيبها تستوي مع بعضها
- هنفتح عليها ونسيبها تتشرب ميتها هنضيفهم فقالب الفرن
- عالنار هنضيف مكان الكوسه اللبن والدقيق مع الملح والفلفل ونقلب نقلب لما يتقل القوام هننزل بيهم على الكوسه والكفته ونوزعهم حلو جدا عليهم
- هنرب البيض ونوزعه عالوش وعليه الموتزاريلا وندخلها الفرن تستوي وتأخذ وش وتتقدم مع مكرونه أو رز وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد