→ كل الوصفات
الكوسه من أخف الخضروات وأحبها إلى قلبي والكوسة بالبشاميل قصة تانيه خالص😍 جميلة جداً بتعمليها بجانب عيش وسلطة خضرة هتستمتعي بجد بطعمها جربيها هتعجبك جداً 👌😍
المقادير
- 1 كيلو كوسة
- لعمل عصاج اللحمة نحتاج
- 1/2 كيلو لحمة مفرومة
- 1 بصلة كبيرة مبشورة
- 1/2 ملعقة صغيرة ثوم مهروس
- 2 كوب عصير طماطم
- 1 ملعقة كبيرة صلصة
- 1/2 ملعقة صغيرة فلفل اسود
- 1/2 ملعقة صغيرة ملح
- 1/2 ملعقة صغيرة بابريكا
- 1/2 ملعقة صغيرة بهارات لحمه
- 1/2 ملعقة صغيرة سكر
- رشة جوزة الطيب
- لعمل البشاميل نحتاج
- 3 ملاعق كبيرة دقيق
- 3 كوب لبن
- 3 ملاعق كبيرة ذبدة
- 3 قطع جبنة كيري
- 1/2 ملعقة صغيرة ملح
طريقة التحضير
- أولاً إغسلي الكوسة وقطعيها حلقات وبعد كدة إحضري مقلاية وحوطي فيها حبة زيت وحوطي فيها الكوسة وقلبي الكوسة وحوطي عليها حبة ملح وفلفل وملعقه صغيرة ثوم مهروس وقلبي الكوسة وسيبيها 10دقائق وأقفلي النار عليها بعد كدة😍
- لتحضير عصاج اللحمة المفرومة هتجيبي حلة مناسبة او مقلاية غويطة وحوطي فيها حبة زيت وملعقة سمنه وبعد كدة حوطي البصلة المبشوره والثوم وقلبيهم مع بعض كويس وبعد كدة ضيفي اللحمة المفرومة وحوطي على اللحمة الفلفل الأسود والبهارات ورشة جوزة الطيب والبابريكا وقلبيهم مع بعض 😍
- ضيفي بعد كدة الطماطم والصلصة والسكر والملح وقلبيهم مع بعض وسيبي اللحمة تتسبك على نار هادية لمدة 1/4 ساعة وبعد كدة شيليها من على النار😍
- حضري بئا البشاميل جيبي حلة مناسبة وحوطي فيها الذبدة ولما الذبدة تسيح ضيفي الدقيق وقلبيهم مع بعض كويس وبعدين ضيفي اللبن بالتدريج مع التقليب المستمر وبعد كده ضيفي الجبنه الكيري والملح وقلبيهم مع بعض كويس ولما الصوص يتقل ويكون كريمي إقفلي النار عليه 😍
- جيبي صينية وإدهنيها بالزيت وحوطي فيها الكوسة ووزعيها كويس في الصينية وبعد كدة ضيفي اللحمة المفرومة المتعصجة وبعد كدة ضيفي صوص البشاميل ودخلي الصينية الفرن على درجة حرارة 200 ولما تستوي ووشها يتحمر خرجيها من الفرن وسيبيها تبرد حبة وبعدين قطعيها وقدميها بعد كدة 😍
- بجد طعمها روعة حاجة كدة خيال🤩جربيها هتعجبك جداً وبالهنا والعافية عليكي حبيبتي 😘💓🌹💖
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد