→ كل الوصفات

كوسه محشية لحمة مفرومة بالبشاميل وجبنة الموتزاريلا

بجد حلوة جداً و مغذيه و فيها كل حاجه و الاطفال هيحبوها جداً 😋

  • كيلو و نص كوسه متوسطه متقشرة ومقطعة نصفين ومقورة
  • ½ كيلو لحمة مفروم
  • بصله كبيرة مبشورة
  • فصين ثوم
  • رشة قرفة وجوزة الطيب
  • فص حبهان
  • ملح وفلفل حسب الرغبة
  • 3 ملاعق كبيرة صلصة
  • 3 حبات كبيرة طماطم
  • كوباية الا ربع شوربة او ماء مغليه عليها واحده مرقة
  • ½ معلقه صغيرة سكر
  • البشاميل
  • لتر لبن
  • معلقتين ونص زبده كبار
  • معلقتين ونص دقيق كبار
  • ملح وفلفل اسود حسب الرغبة
  • جوزة الطيب
  • ½ كيس جببنه موتزاريلا
  1. هنقور الكوسه و نحط نص اللي هيطلع في التقوير في الصينيه
  2. هنعصج اللحمة المفرومه هنحط شويه زيت صغيرين و نحط عليهم البصله و الثوم و التوابل و ياخدوا تقليبه و ننزل باللحمه و نفضل نقلب جامد عشان متمسكش في بعض و بعدين نحط ملعقة صلصة كبيرة و ثلث كباية ماء تغلي و بعدين نخفف عليهم لحد ما تستويه نعلي لحد ما الماء تخلص و نسيبها تهدى عشان نحشي بيها الكوسه
  3. هنحشي الكوسه و نرصها و نعمل الصلصة اللي هتستوي بيها هنضرب ال ٣ طماطم مع معلقتين صلصة و نص ملعقة صغيرة سكر و ملعقة صغيرة ملح و شويه فلفل
  4. وبعد ما يتضربوا حطوا الشوربه و نظبط الملح و نحطهم عالكوسه و نسيبها تغلي شويه و بعدي نخفف و نقفل عليها بغطا كده عشان تستوي لما تحسي انها خلاص فاضلها تكه و تخلص على عشان الماء تخلص
  5. بعدين نعمل البشاميل الزبده عليهم الدقيق و لتر اللبن و نقلب لحد ما يتقل و بعدين نحطه على الكوسه و نحط الموتزاريلا على الوجه
  6. نولع الفرن و نحطها ثلث ساعة و بعدين نولع الشوايه تحمر و بعدين تطلع و بالهنا و الشفا ❤
عجبتك الوصفة؟
شوف كل وصفاتنا في مكان واحد
كل الوصفات →