→ كل الوصفات
#المريول_السوبر. # الدقيق 60 قطعه كوكيز ب بيضه واحده🥰سرالسعادة🥰 في كلمتين كوكيز مقرمش من بره وطري من جوه، بيملا البيت ريحة حلوة وبيرسم أحلى ابتسامة على وش الولاد مع كل قضمة.💡ومتنسيش أن أحسن شيف في العالم هي ♥️ الأم ♥️
المقادير
- 3 أكواب دقيق
- 1 ملعقة كبيرة بيكنج بودر
- 1 كوب سكر ناعم ممكن تشيلي معلقه من كوب السكر وتحطي بدلها معلقه عسل أسود وهنا العسل حيكون بديل لسكر البني لو موجود وده اختياري
- 1 كيس فانيليا
- 1 حبة بيضة بدرجة حرارة الغرفة
- 120 جرام شيكولاتة شيبس
- 1 كوب سمن أو زبده أو خليط بين كوب الزيت والسمن بس بدرجه الغرفه
- 2 ملعقة كبيرة كاكاو خام أو معلقه ونص
طريقة التحضير
- بسم الله الرحمن الرحيم اخلطِ السمن مع السكر جيدًا حتى يصبح القوام كريمي.ودي الكوبيه اللي عيارت بيها 👇
- أضف البيضه والفانيليا واعجني كويس ثم أضفِ الدقيق والبيكنج بودر تدريجيًا حتى تتكون عجينة متماسكة
- قسّمِ العجينة إلى نصفين، أضفِ الكاكاو إلى نصف واحد وامزجِ جيدًا
- شكّلِ كرات صغيرة من العجينة البيضاء والبنية، وزيّنيها بحبيبات الشوكولاتة
- رصّي الكوكيز في صينية خبز، واخبزيها في فرن ساخن على حرارة 180 درجة مئوية لمدة 10-12 دقيقة حتى تنضج وتبقى طرية من الداخل
- حقولك شويه تكات 📢علشان الكوكيز يطلع جميل بلاش تحركيه خالص وهو سخن: الكوكيز أول ما بيطلع من الفرن بيكون طري جداً كأنه مش مستوي. لو حاولتي تحركيه أو تشيليه وهو سخن، هيتفتت منك. سر التماسك: سيبيه في صينية الفرن لمدة 5 لـ 10 دقايق بس بعد ما تخرجيه؛ الكوكيز بيكمل تسوية على حرارة الصينية وبيتماسك مع نفسه والشوكليت شيبس بيرجع يتماسك تاني لما يبرد شوية لو حسيتِ إن الشوكليت شيبس ساحت
- زيادة وبشكل مش منتظم، أول ما الصينية تطلع من الفرن وهي لسه طرية، هاتي قطعتين تلاتة من الشوكليت شيبس الغامق واغرسيهم بسرعة على وش كل حبة كوكيز؛ الحرارة المتبقية هتخليهم يلزقوا في العجين من غير ما يسيحوا تماماً، والشكل هيطلع تحفة كأنه جاهز.📌وانتي بتعجني وشكلتي واحده كوكيز ولقيتيها مشققه ضيفلها شويه سمن او زبده واعجني تاني وبعد ماتشكيلي الكوكيز سيبي شويه ومتحطهوش في الفرن علي طول شويه كده 10دقائق بس
- متزوديش❌ وقت الخبز عن 10 إلى 12 دقيقة وحطي الصينيه بعيده عن النار يعني قرب الشوايه من فوق بس مش حنشغل الشوايه خالص ❌ بالكتير. الكوكيز أول ما يطلع من الفرن بيكون 📢طري جداً من النص📢 ودي مش علامة إنه لسه مستواش ده الطبيعي! هو بينشف ويتمسك نفسه أول ما يبرد برا الهوا. لو سبتيه في الفرن لحد ما ينشف تماماً،❌❌ هيتحول لقرص ناشف ومحجر❌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد