→ كل الوصفات
طريقة عمل كوكيز العبد 🍪 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 175 جرام زبدة بدرجة حرارة الغرفه
- 330 جرام دقيق (كحك وبسكوت)
- 1 بيضة بدرجة حرارة الغرفه
- 70 ملزيت نباتي
- 30 جرام كاكاو خام اسباني
- 150 جرام سكر بودر
- 20 جرام لبن بودر
- 1/2 معلقه شاي صغيرة بيكنج بودر
- معلقه صغيره فانيليا بودر
- رشة ملح
- 200 جرام شوكولاته قطع (دريم)
طريقة التحضير
- اول حاجه نقطع الشوكولاتة قطع مربعات صغيرة ونضعها في الثلاجه (والشوكولاتة هنا تكون بدرجه حرارة الغرفه علشان تتقطع مكعبات ومتتكسرش منك وكمان ممكن نستخدم شوكلت شيبس بس في العبد بتكون قطع شوكلت)
- في بوله نضع (الزبدة + السكر البودر) ونضربهم بالمضرب الكهربائي كويس لحد ما يفتح لونه ويبقى كريمي
- ثم ننزل بالزيت ونكمل ضرب
- ثم ننزل بالبيضه + الفانيليا ونكمل ضرب
- ثم ننزل (اللبن البودر + بيكنج بودر + رشة الملح) ونخلط
- ثم ننزل بالكاكاو المنخول (في حاله لو هنعمله بني اما لو ابيض نستغني عن ٣٠ جرام الكاكاو ونزود بدله ٣٠ جرام دقيق على باقي مقدار الدقيق)
- ثم ننزل بالدقيق المنخول بالتدريج ونقلب لحد ما الخليط يتماسك ومبكنش بيلزق بحيث احرك الاسبتوله ميلزقش فيها حاجه زي الصوره
- في صاج غير مدهون نهائي - نبدأ نشكل الكوكيز مقاس كل كوره ١٥ جرام - ونرصهم في الصاج ونضع على الوجه قطع الشوكولاتة ونضغط خفيف عليها
- تدخل فرن سابق التسخين على ١٨٠ درجه لمده من ١٥: ٢٠ دقيقه
- نتركه يبرد تماما على الصاج ومنجيش جنبه خالص ولا نحركه - ثم نحفظه في علبة بلاستيك وبين كل طبقة والتانيه نضع كيس بلاستيك مفرود وبالف هنا ملحوظه: انا عملت المقادير مرتين مره للكوكيز البيضه ومره البني
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد