→ كل الوصفات
يا رب يكونوا نالوا اعجابكم يا أهل
المقادير
- مقادير عجينة الكوكيز
- 250 غم زبدة لينة
- 2 بيض
- كوب سكر بودرة
- 1/2 كوب زيت نباتي
- ملعقة صغيرة فانيلا
- 5 اكواب طحين
- ملعقة صغيرة بيكنج باودر
- للتزيين
- عجينة السكر لون ابيض ولون اسود
طريقة التحضير
- خلطت الزبدة والزيت مع السكر وبعدين ضفت البيض والفانيلا واخيرا ضفت الطحين تدريجي والبيكنج باودر ويمكن ما تحتاج كل كمية الطحين حسب النوعية وعجنت لحتى تشكلت معي عجينة لينة سهلة التشكيل بلشت افرد العجينة وبواسطة القطاعة الخاصة بالكوكيز قطعت
- وخبزت بالفرن الحامي من الأسفل وحمرت من الأعلى عالخفيف وتركتهم يبردو
- وحفظتهم بعلبة محكمة الاغلاق لوقت التزيين
- رشيت نشا على سطح الفرد وبلشت افرد عجينة السكر البيضا وبواسطة شوبك صوف الخروف عملت الشكل هاد وقطعت بالقطاعة نفسها اللي قطعت فيها عجينة الكوكيز
- وفردت عجينة السكر اللون الاسود وشكلت راس الخروف
- وشكلت العيون باللون الأبيض والأسود من عجينة السكر والأنف بواسطة عود خشبي
- وغلفت كل حبة بالاكياس الخاصة بالكوكيز
- استخدمت المربى للصق عجينة السكر بالكوكيز
- وهيك صارو جاهزين للضيافة العيد وصحتين وعافية #رنا_فارس
- وهون قدمته بالعيد والكل انبسط وانبهر فيهم والطعم بجنننن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد