→ كل الوصفات
طريقة عمل كومبير كتير زاكي وسهل وسريع 🍽️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 حبة بطاطا حجم وسط
- جبنة موزريلا
- شرائح فطر مقطع
- درة
- اقل من ربع فلفل أخضر حار
- ملح
- فلفل اسود
- ½ ملعقه صغيرة بابريكا حارة
- ½ ملعقه صغيرة بصل بودرة
- رشة إكليل الجبل الأخضر.. ان تواجدت لديكم
- جبنة موزريلا
- كاتشاب
- مايونيز
طريقة التحضير
- نحضر البطاطا.. حجم وسط... نغسلها جيدا ونفركها بسفنجة الجلي عشان بدنا ياها تكون نضيفه كتير لانه القشر رح يضل علبطاطا ويتاكل
- وبعد ما نغسلها جيدا.. نشفها بمحارم المطبخ... وبعدها نضعها بصحن وبالمايكرويف... لمدة ربع ساعه.. لحد ما تستوي بالكامل... ومن جوا أهم شي
- وبعد ما تستوي البطاطا... نشق بالنص بالسكين بس ما نقسمها قسمين.... نفتحها شوي بس
- ومنصير نطلع لب البطاطا ونحط معه جبنة موزريلا.. لحتى تصير الجبنة سايحة وتمط معكم... وتكون مختلطه منيح مع البطاطا من جوا
- وبعدها منحضر... خلطه الخضروات.... طبعا مو شرط الخضروات يلي انا كتبتها.... أي اشي بتفضلوه وبتحبوه حطوه عادي.... بس انا هدول الي كانو متوفرين عندي
- شوحت الذرة والفطر والفلفل الأخضر الحار مع البهارات المذكوره مع قليل من الزيت يعني ملعقه ونص فقط لحتى ما تكون الخلطه كلها زيت... لمدة عشر دقائق فقط... وبعدها حطيتهم جوا البطاطا.. وبعدها حطيت فوقهم جبنة وكترو جبنة... وبعدها حطيتها بالمايكرويف مرة تانيه.. لمدة ٥٠ ثانيه لحتى تذوب الجبنة... وبعدها زينتها بالكاتشاب ورشة قليلة من إكليل الجبل الأخضر... أعطت نكهة جدا رهيبه وبتشهي.... بإمكانكم تزينوها بشو ما بدكم
- وصحتين وعوآفي يا رب... ♥️وبعتذر على التأخير لتنزيل وصفاتي..... لأني غرقانه بالدراسه 😭... ادعولي بلنجاح بتوجيهي... 🥺🙌🏻♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد