→ كل الوصفات

كيكة أسفنجية تحفة ♥️

طريقة عمل كيكة أسفنجية تحفة ♥️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 بيضات
  • كوب سكر
  • معلقة كبيرة سمنة
  • 2 كوب ونصف دقيق
  • 2 كيس فانيليا
  • 1 كيس بيكنج بودر
  • كوب لبن
  • كوب الا ربع زيت
  1. هنبدأ بترتيب المكونات زي ماهيا مكتوبة فوق وهنجب حاجه كبيرة علشان نعمل فيها الخليط والمضرب ولو مش متوفر مضرب ممكن الخلاط.. ونبدأ ب ٤ بيضات نضربهم لمدة ٣ دقايق لحد ملونها يبقا فاتح وبعدين هنضيف كوب السكر ونضرب لمدة ٣ دقايق
  2. وبعدين نحط معلقة السمنة ونضرب كويس وبعدين هنضيف الدقيق والبيكنج بودر والفانيليا ونضرب كويس جدا لحد ما الخليط يبقا تقيل ولونه فاتح ونبدأ نضيف اللبن والزيت ونضرب كويس لمدة ٤ دقايق مثلا وبعدين نحطها ف صينية مدهونة زيت خفيف علشان الجوانب والارضية متلزقش وندخلها الفرن
  3. ملحوظة بس وانتوا بتعملو الخليط ولعوا الفرن يسخن ع ٢٠٠ مثلا واما تحطوا الصينية قللوا الحرارة لحد ١٨٠ درجة والف هنا وشفا عليكم 😍
عجبتك الوصفة؟
شوف كل وصفاتنا في مكان واحد
كل الوصفات →