→ كل الوصفات

كيكة اسفنجية اقتصادية

عمرك سمعتي عن كيكة اسفنجية ب ٣ بيضات بس؟ تعالي وانا اقولك تعمليها ازاي

  • 2 كوب دقيق متعدد الاستخدامات
  • 1 كوب حليب
  • 1 كوب زيت ذرة
  • 1 كوب سكر
  • 3 بيضات
  • فانيليا
  • معلقة كبيرة بيكنج باودر
  • معلقة كبيرة خل ابيض
  • ذرة ملح
  1. في الخلاط هنحط البيض واللبن والزيت والسكر والفانيليا ونخلط كويس لمدة ١٠ دقائق متواصلين ودي اهم خطوة لنجاح الكيك
  2. في الوقت دا هننخل الدقيق والبيكنج باودر والملح ونخلطهم ببعض
  3. هنضيف الخليط السائل على الخليط الجاف وهنقلب بالمضرب اليدوي في اتجاه واحد منقلبش يمين وشمال عشان منهبطش الكيكة
  4. اخر حاجة هنضيف ملعقة الخل ونخلط كويس بردو في اتجاه واحد لحد ما كل الدقيق يختفي في الخليط ويبقى مائل للسائل
  5. هنجهز صينية مقاس ٢٨ او ٢٦ وندهنها بالسمن ونبطنها بالدقيق ونصب فيها الخليط ونخبطها خبطتين عشان فقاعات الهوا الزيادة تخرج
  6. نكون مشغلين الفرن من قبلها ٢٠ دقيقة على الاقل عشان يسخن كويس وندخلها على الرف اللي في النص لمدة ٣٠ دقيقة بعدين نختبرها بخلة اسنان لو طلعت نضيفة يبقى نخرجها من الفرن ولو لسة محتاجة وقت نسيبها ١٠ دقائق كمان
  7. سر نجاح الكيكة اننا منفتحش عليها الفرن ابداا قبل ما يعدي نص ساعة عشان متهبطش وتعجن منك
عجبتك الوصفة؟
شوف كل وصفاتنا في مكان واحد
كل الوصفات →