→ كل الوصفات

كيكة البرتقال المصرية 🍊

البرتقال مفيد جداً وخصوصا ايام البرد دي طريقة كيك بسيطة بالبرتقال عشان اطفالنا وتكون مفيدة كمان لهم 💖

  • 2 كوب ونصف دقيق متعدد الاستخدامات
  • كوب إلا ربع عصير برتقال مصفي
  • 1/2 كوب حليب
  • 3 معالق كبيرة بشر برتقال ناعم نوعاً ما
  • كوب ونصف سكر ممكن نقلل ربع كوب لو عاوزينها مش مسكرة
  • 1/2 كوب زيت ومعلقة زبدة وممكن زيت بس عادي
  • 4 بيض
  • كيسين فانيليا
  • كيس بيكنج بودر
  • رشة صغيره ملح
  • وربع ملعقة بيكنج صودا (بيكربوناتو)
  1. أولا نبشر البرتقال من غير ما نوصل للجزء الابيض بتاعه دول 3 برتقانات متوسطين بشرتهم
  2. و ننخل المواد الجافة سوا الدقيق مع البيكنج بودر والملح والبيكنج صودا
  3. نضرب البياض وكيس الفانيليا بالمضرب كويس جداً لحد ما يبقى بشكل كريمي كده 👇
  4. السكر ندوبه بمعلقه في طبق عادي كويس في عصير البرتقال والحليب والزيت وصفار البيض معاه كيس فانيليا وممكن نضربهم في الخلاط عادي
  5. نحط الخليط ده عالدقيق تدريجياً لحد ما الدقيق يختفي ونضيف البياض المضروب مسبقاً ونقلب بالراحه
  6. نقلب بالراحه من تحت لفوق لحد ما يتخلطو كويس ونحط بشر البرتقال اخر حاجه ونقلب ونحطها في صينية مقاس 24 مدهونة زيت ومبطنه بالدقيق وندخلها فرن نار متوسطة على الرف الوسط ويكون شبكه
  7. هتقعد في الفرن حوالى من 35 دقيقه لحد 45 دقيقه اختبروها من المنتصف بعود خشب او خلة وبمجرد ما تطلع نضيفه تبقي استوت نسيبها تبرد ونقطعها شرائح وبالهنا والشفا 💖💖
عجبتك الوصفة؟
شوف كل وصفاتنا في مكان واحد
كل الوصفات →