→ كل الوصفات

كيكة التمر

كيكة مفيدة جدا للاطفال والكبار كمان بدون سكر ولا دقيق ابيض مغذية جدااا

  • 2 كوب دقيق اسمر ويمكن استبداله بالدقيق الابيض
  • معلقة كبيره بيكنج بودر
  • ذرة ملح
  • كوب معجون التمر
  • كوب الا ربع زيت
  • كوب الا ربع سكر ويمكن الاكتفاء بسكر التمر فقط
  • 2 كوب زبادى
  • 3 بيضات
  • معلقة صغيره فانيليا
  1. تحضير معجون التمر نجيب تمر بتاع رمضان عادى او الطرى و نشيل منه النواه و ننقعه فى ميه سخنة من الكاتيل لمده نصف ساعة لحد ما يطرى وبعدها نضربه فى الخلاط كويس و ناخد منه كوبايه
  2. هنحط كوبايه معجون التمر فى الخلاط وعليها الزيت والسكر اللى ممكن تستغنى عنه لان التمر طبعا مسكر و عليه الزبادى والبيض والفانيليا ونضرب كويس لحد ما كل المكونات تختلط
  3. فى بوله هنحط الدقيق وعليه البيكنج بودر والملح ونقلب كويس ونضيف المكونات السائله و نخلط كويس بالمضرب اليدوى عادى
  4. هنكون مسخنين الفرن من اول ما نبدا و نجيب الصينية ندهنها زيت ونحط الخليط و نحطها فى الفرن علطول هتاخد من نص ساعة الى ساعة الا ربع حسب الفرن وبالف هنا وشفا مقدما
عجبتك الوصفة؟
شوف كل وصفاتنا في مكان واحد
كل الوصفات →