→ كل الوصفات
طريقة عمل كيكة الجزر 🍰🥕.. آخر لذاذة 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 بيض
- كوب سكر بني
- كوب الا ربع سكر
- 2 كوب دقيق
- ملعقة صغيرة بيكينج بودر
- ملعقة صغيرة كربوناتو
- رشة ملح
- فانيليا
- ملعقة صغيرة قرفة
- 2 كوب جزر مبشور ناعم
- كوب عين جمل جروش
- كوب زيت
- كوب Butter milk
- للكريمة
- 125 جم زبدة
- 225 جم جبن كريمي
- فانيليا
- 1.5 : 2 كوب سكر بودرة
- 2 ملعقة كبيرة لبن
طريقة التحضير
- في بولة هنضرب البيض مع السكر البني و السكر الأبيض لحد ما المزيج يفتح و حجمه يكبر.. ممكن نستبدل السكر البني ب (سكر + عسل اسود)
- في بولة تانية هنقلب الدقيق مع البيكنج بودر و الكوبونات و القرفة و الفانيليا
- هنبدأ نضيف الدقيق للبيض على دفعات بالتبادل مع buter milk.. و نستمر في ضرب المكونات بالمضرب اليدوي او المضرب الكهربائي
- بعد كدة هنضيف الزيت بالتدريج مع ضرب المزيج
- اخيرا هنضيف الجزر و عين الجمل.. و نبدأ نقلب بالراحة من تحت لفوق بالملعقة لحد ما المكونات تختلط تماما
- هنصب الخليط في صينية مدهونة بالزبدة.. و نحطها في الفرن سخن 30 : 45 دقيقة حسب الفرن بتاعك
- على ما الكيكة تجهز هنحضر الكريمة في بولة هنضرب الزبدة لحد ماتنعم
- هنضيف الجبنة و نضربهم مع بعض و اخيرا هنضيف اللبن و الفانيليا و السكر البودرة
- هنضرب المكونات كويس هيديكي قوام و لون و طعم تحفة.. حطيها في التلاجة
- لما الكيكة تبرد هنقسمها طبقتين و نحط جزء من الكريمة بينهم و الباقي هنغطي بيه الكيكة.. ورشة عين جمل مع جزر مبشور و نسيبها تبرد في التلاجة.. و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد