→ كل الوصفات
#٣_وصفات كيكة رائعة وفكرة غير معتادة وسهلة جدا وطعمها رائع ومش محتاجة حرفنة اى حد ممكن يعملها
المقادير
- لفة جلاش
- 3 بيضات
- فانيليا
- بيكنك بودر (باكو)
- كيس صغير كريم شانتيه
- 1/2 كوب ذبدة سايحة
- كوب ونص لبن مع شوية قشطة
- ملعقة كبيرة سكر
- شربات
- كوب ونص سكر
- ثلاث كوب ماء
- نص ليمونة
- رشة فانيليا
طريقة التحضير
- نعمل الشربات نحط السكر مع الماء ورشة فانيليا بدون تقليب وأول غلوة بضيف الليمون واسيبه يغلى خمس دقائق واطفى عليه يبرد
- ندهن الصينية سمنة وبعدين بكور الجلاش ذى ورقة الكراسة لما بنعوز نرميها يعنى باخد ورقة ورقة واكرمشها بايدى وارميها،،😆😆فى الصينية طبعا وارصهم يلزقوا فى بعض لحد ما تخلص اللفة كلها
- بحط اللبن مع البيض والفانيليا مع الزبدة مع البيكنج بودر وكيس الكريم شانتيه والمفروض من ربع لنص كوب سكر بس نصيحة بلاش خليها رشة كده بالملعقة عشان ميبقاش حلو ذيادة (لسه هنحط الشربات) واضرب فى الخلاط (بلاش المضرب عشان الكريمة هتتقل واحنا مش عايزين ده احنا عايزين القوام سايل)
- ينحط الخليط على الجلاش وممكن ندهن الوش ذبدة (( خاص بالناس المفترية فى السمنة العقلاء يمتنعون😂😂)) وندخله لفرن سخن على درجة حرارة180 لمدة 🤔🤔🤔🤔مش عارفة الصراحة بس أنتوا كده بتلاقوا الصينية ما شاء الله بتنفش وتعلى وأول ما الوش يحمر كده يبقى استوت نحط الشربات البارد عليها وبالف هنا،😋😋😋طعمها تحفة وجديدة وسهلة جدا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد