→ كل الوصفات

كيكة الحليب الساخن بالبلح الأسود😋❤️

كيكة الحليب الساخن من أحب وأحلى أنواع الكيك عندي😋 طريقة تحضيرها بسيط وسهل👌🏻 وإضافة البلح الأسود للكيك ودا الكيكة في حتة تانية خاااالص🤩 لو بتحبي البلح الأسود جربي ميكس كيكة الحليب الساخن مع البلح الأسود بجد طعمها خطييييير😍 جربيها أكيد هتعجبك ❤️🌹

  • 1 كوب دقيق
  • 1/4 كوب زيت
  • 3/4 كوب سكر
  • 2 عدد بيضة
  • 1/2 كوب حليب
  • 2 ملعقة كبيرة زبدة
  • 1 ملعقة كبيرة بيكنج بودر
  • 1 كيس فانيليا
  • كمية من البلح الأسود المقشر
  1. أولاً جيبي الخلاط الكهربائي وحوطي فية الزيت والبيض والسكر والفانيلا وأخلطيهم مع بعض كويس جداً 😍
  2. جيبى طبق عميق وحوطي فية الدقيق والبيكنج بودر وقلبيهم مع بعض كويس وبعد كدة ضيفي الخليط السائل الموجود في الخلاط على الدقيق وقلبيهم مع بعض بمضرب سلك يدوي 😍
  3. جيبي إناء مناسب وحوطي فية الحليب والزبدة وحوطي الإناء على نار هادئة لحد لما يسخن الحليب وبعد كدة ضيفي الحليب والزبدة على خليط الدقيق وقلبيهم مع بعض كويس جداً 😍
  4. جيبى صينية مناسبة أو طواجن أنا عملت الكيكة المرة دي في طواجن براحتك المتوفر عندك وبعد كدة ادهني الطواجن بالزبدة ورصصي فيها البلح الأسود وبعد كدة وزعي خليط الكيك في كل الطواجن أو الصينية زي ما قلتلك اختاري اللي يناسبك😍
  5. دخلي الطواجن الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة اقلبي الطاجن او الصينية 😍
  6. قطعي الكيكة بعد كدة لو هتعمليها في صينية ولو هتعمليها في طواجن اقلبي الطاجن في طبق التقديم وقدمية لأفراد أسرتك ومتنسيش نفسك بواحدة🤩 بجد الكيكة حلوة جداً وميكس الكيك مع البلح الأسود روعة جربيها أكيد هتعجبك 😍🌹❤️
  7. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →