→ كل الوصفات

كيكة الحليب الساخن

وصفة حببتي وصديقتي اتعلمناها في حصة الطبخ النهاردة مع مشرفتنا القمر شكرا ليكي يا بيبو على الوصفة الناجحة وشكر ليكي يا سندس على تجميعك لينا في حصة طبخ وربنا يديم الحب بينا ديما يارب ❤🌷

  • 3 حبات بيض
  • 3 كيس فانيليا
  • كوب ونص سكر
  • 1/2 كوب زيت
  • م ص خل
  • 2 كوب دقيق
  • 2 م ك بيكنج باودر
  • كوب لبن ساخن
  • 4 م ك سمنة
  • كمية سكر بودرة حسب الرغبة
  • لبن حسب الاحتياج
  • رشة فانيليا او نقطة فانيليا سائلة
  1. في الخلاط نضرب مرة واحدة المكونات مع بعضها (بيض، فانيليا، سكر، زيت، خل) بعدين في بولة اضع (الدقيق، البيكنج باودر) وانزل عليه بالخليط السائل واقلب وهتلاقي القوام بتاعتها تقل كدة ،
  2. بعدين اغلي كوب اللبن واسيح فيه السمنة وانزله بالتدريج على خليط الكيك واقلب في اتجاه واحد ،
  3. في صينية مدهونة ومرشوشة دقيق انزل خليط الكيك وادخلها الفرن على ١٨٠ لحد تمام السوا وبس كدة ،
  4. ايسنج شوجر: سكر بودرة حوالي كوب مثلا واضيف ملعقة كبيرة بملعقة لبن بالتدريج يعني حسب القوام ويبقى معاكي صوص سميك كدة نوعا ما واضيف الفانيليا وانزل بيها على الكيكة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →