→ كل الوصفات

كيكة الزبادي بالبلح الأسود والحليب المكثف المحلى😋❤️

البلح الأسود من الفاكهة اللذيذة😋 وأنا بحب البلح الأسود جداً ولما البلح الأسود يكون مع الكيك بيكون ميكس طعمة رهيب بجد ولما تضيفي الحليب المكثف المحلى للكيك هيديكي طعم يجنن🤩 جربيها فعلاً وصفة تستحق التجربة 😍👌🏻

  • 3 بيضات
  • 2 كوب دقيق
  • 1 كوب سكر
  • 1 كوب زبادي
  • 3/4 كوب زيت
  • 1 ملعقة صغيرة فانيليا سائلة
  • 1 ملعقة كبيرة بيكنج بودر
  • 1 ملعقة كبيرة خل
  • كمية من البلح الأسود المقشر
  • 2 ملعقة كبيرة ذبدة
  • 1/4 ملعقة صغيرة قرفة
  • 1/2 كوب حليب مكثف محلى
  1. أولاً جيبي الخلاط الكهربائي وحوطي فية البيض والسكر والفانيليا والخل والزيت والزبادي وأخلطيهم مع بعض كويس جداً 😍
  2. جيبي طبق غويط وحوطي فية الدقيق والبيكنج بودر وقلبيهم مع بعض وبعد كدة حوطي الخليط السائل الموجود في الخلاط على الدقيق وقلبيهم مع بعض كويس وياريت أنخلي الدقيق والبيكنج بودر عشان الكيك يكون هش وخفيف معاكي 😍
  3. جيبي صينية وإدهني الصينية بمعلقتين من الذبدة ووزعي الذبدة كويس فى الصينية كلها وبعد كدة رصصي البلح الأسود جنب بعض في الصينية ورشي علية القرفة وبعد كدك حوطي خليط الكيك فوق البلح ودخلي الصينية الفرن بعد كدة على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
  4. إقلبي الصينية بعد كدة وقطعيها وعند التقديم حوطي عليها حليب مكثف محلى هو اختياري ممكن تستغني عنه بس هو بيفرق في الطعم جداً وممكن تستبدلي الزبادي بالحليب حاجة اختيارية لو مش متوفر عندك زبادي وبس كدة قدميها بئا مع كوباية شاي☕ حلوه وإستمتعي بالطعم التحفه بجد حلوة أوي 🤩لازم تجربيها بنفسك وتدوقيها وبالعافية عليكي حبيبتي 😘❤️🌼
  5. 😋😋😋😋😋😋😋😋
  6. 😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →