→ كل الوصفات
كلنا بنحب الكيك وطريقة كيكة الشاي العادية دايماً بنعملها بصفة مستمرة وطريقة الكيكة دي جديدة وجميلة وطعمها لذيذ😋👌🏻 جربيها بالطريقة دي مش هتبطلي تعمليها بعد كدة 😍❤️
المقادير
- 2 كوب دقيق
- 1 كوب حليب
- 1 كوب سكر
- 1/2 كوب زيت
- 1 ملعقة كبيرة زبدة او سمنة
- 1 كيس فانيليا
- 3 بيض
- 1 ملعقة كبيرة خل
- 1 ملعقة كبيرة بيكنج بودر
طريقة التحضير
- أولاً جيبي الخلاط الكهربائي وحطي فيه البيض والخل والفانيليا والزيت والسكر وملعقة السمنه او الزبدة وأخلطي كل المكونات مع بعض كويس جداً 😍
- جيبى طبق عميق وحطي فية الدقيق والبيكنج بودر وقلبيهم مع بعض وانخلي الدقيق والبيكنج بودر عشان الكيك يكون هش وخفيف معاكي😍
- ضيفي المكونات الموجودة في الخلاط على الدقيق وقلبيهم مع بعض كويس جداً بمضرب سلك يدوي لحد لما تختفي كل حبيبات الدقيق والبيكنج 😍
- جيبى إناء مناسب وحُطي فية الحليب وسخني الحليب على النار وبعد كدة ضيفي الحليب الساخن على خليط الكيك وقلبيهم مع بعض كويس جداً 😍
- جيبي صينية وادهني الصينية بالزبدة وصبي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة قطعيها وقدميها لعيلتك وضيوفك مع فنجان من الشاي أو القهوة بجد الوصفة حلوة جداً وبسيطة وطعمها لذيذ جربيها بنفسك ومتأكد أنها هتعجبك 😍♥️🌷
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد