→ كل الوصفات
كيكة شوكولاتة لذيذة أوي وبسيطة جداً في التحضير وببيضة واحدة بس هشة وقطنية وبتحوطي عليها أي نوع صوص شوكولاتة عندك فعلاً وصفة تستحق التجربة 😍👌🏻
المقادير
- 1 ونصف كوب دقيق
- 1 ملعقة كبيرة بيكنج بودر
- 3 ملاعق كبيرة كاكاو خام
- 1 بيضة
- 1 ملعقة صغيرة فانيليا سائلة
- 1 كوب سكر
- 1/4 كوب زيت
- 3/4 كوب حليب
- 1 ملعقة صغيرة نسكافيه
- 1/2 كوب ماء ساخن
طريقة التحضير
- أولاً جيبي طبق غويط وحوطي فية الدقيق والبيكنج بودر والكاكاو الخام وقلبيهم مع بعض كويس جداً وياريت أنخلي الدقيق عشان الكيك يكون هش وخفيف معاكي 😍
- جيبي الخلاط الكهربائي وحوطي فية الحليب والبيضة والسكر والفانيليا السائلة والزيت وملعقة النسكافيه وأخلطيهم مع بعض كويس جداً في الخلاط 😍
- ضيفي الخليط السائل الموجود في الخلاط على الدقيق وقلبيهم مع بعض كويس بمضرب سلك يدوي وبعد كدة ضيفي الماء الساخن لخليط الكيك وقلبيهم مع بعض مرة تانية 😍
- جيبي صينية مناسبة وإدهني الصينية بالزيت وحوطي فيها خليط الكيك ودخلي الصينية الفرن بعد كدة على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
- حوطي عليها من فوق صوص الشوكولاتة المتوفر عندك وممكن تحوطي نوتيلا وتزينيها بالشوكولاتة المبشورة أو أي نوع مكسرات أو أي تزيين بتحبيه وقطعيها وقدميها بعد كدة بجد حلوة أوي وهشة وخفيفه جربيها أكيد هتعجبك وبالعافية عليكي حبيبتي 😘❤️💞
- 😋😋😋😋😋😋😋😋
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد