→ كل الوصفات

كيكة الشوكولاتة بصوص الاوريو

احلى طريقة عملتها لحد الان للكيك بالشوكولاتة وًحقيقي كانت هشه و حلوه اكتير ما شالله جربوها #ع_طريقتي

  • كوب دقيق
  • كوب الا ربع كاكاو خام
  • رشه ملح
  • بيكنج بودر
  • بيكنج صودا
  • 3 بياض بيض
  • 2 بيضة
  • كوب سكر
  • كوب الا ربع زيت
  • كوب لبن
  • رشه فانيلا
  • صوص الاوريو
  • اوريو مطحون ناعم
  • شوكولاته شيبس
  • كوب لبن 🥛
  1. ف بوله غويطه هاننخل الدقيق و الكاكاو اكتر من مرا و نحط عليها رشة الملح
  2. ف الخلاط هانضيف كل المكونات لحد ما تتجانس كويس مع بعضها.. ندهن القالب بالزبده و نرجع للبوله اللي فيها الدقيق و الكاكاو و ننزل بكل المكونات و تقلبهم كويس و ننزل بيهم ف الصينية نرش على الوجه شويا من الشوكولاتة شيبس و ندخلها الفرن على ١٨٠ و طبعاً الفرن متولع من قبل 👌
  3. لما تتطلع الكيكه من الفرن هانخرمها كويس و انا هنا استخدمت للتسقيه كيس موكا و دوبتو ف كوب حليب على البارد و سقيت الكيك و خليتها تبرد و بعد كدا نزلت عليها بصوص الاوريو وحطيتها ف الثلاجه مش اقل من ساعتين و بالهنا والشفا 👌
  4. لما حطيت صوص الشوكولاتة رشيت على الوجه اوريو مطحون مع شوكلت شيبس
عجبتك الوصفة؟
شوف كل وصفاتنا في مكان واحد
كل الوصفات →