→ كل الوصفات
كيكة الشوكولاتة دي من أسهل وأسرع وصفات كيك الشوكولاتة حلوة أوي✌️😋 وصوص الشوكولاتة مميز جداً مع إضافة عين الجمل اعطي الكيك طعم لذيذ ممكن تستبدلي عين الجمل بأي نوع مكسرات أو ممكن تسيبيها سادة من غير تزيين هي حلوه في كل الحالات🤩❤️
المقادير
- 1 كوب سكر
- 1 كوب حليب
- 1 كوب زيت ذرة
- 1 كوب دقيق
- 1/2 كوب كاكاو خام نوع جيد
- 2 بيضة
- 1 ملعقة صغيرة فانيليا سائلة
- 1 ملعقة كبيرة بيكنج بودر
- كمية من عين الجمل للتزيين
طريقة التحضير
- أولاً جيبي الخلاط الكهربائي وحوطي فية الزيت، والحليب، والسكر، والكاكاو الخام واخلطيهم مع بعض كويس لحد لما يتقل القوام في الخلاط 😍
- جيبى كباية وحوطي فية حبة من الخليط يعني أملي الكوباية وبعد كدة دخلي الصوص ده الثلاجة لأن ده الصوص إللي هنضيفة على الكيك بعد كدة 😍
- باقي الخليط الموجود في الخلاط حوطي عليه البيض، والفانيليا السائلة وأخلطيهم مع بعض كويس جداً 😍
- جيبى طبق غويط وحوطي فية الدقيق، والبيكنج بودر وقلبيهم مع بعض وبعد كدة حوطي الخليط السائل الموجود في الخلاط على الدقيق وقلبيهم مع بعض كويس جداً بمضرب سلك يدوي 😍
- جيبى صينية الخبز وادهني الصينية بالزيت وحوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
- بعد لما تبرد ضيفي عليها الصوص من فوق ودخليها الثلاجة لمدة نصف ساعة وبعد كدة طلعيها من الثلاجه وقطعيها وزينيها بعين الجمل المفروم أو أي نوع مكسرات عندك فعلاً وصفة تستحق🤩😋 التجربة جربيها أكيد هتعجبك✌️❤️🌹
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد