→ كل الوصفات

كيكة الشوكولاته والنسكافية بحشوة الكريمة 😋💓

أحلى وأسهل كيك شوكولاته ممكن تعملية وطعم النسكافيه مع الشوكولاته والكريمة ميكس حلو أوي👌 جربيها هتعجبك جداً 😍❤️

  • 1 كوب لبن حليب
  • 1 كوب سكر
  • 1 كوب زيت
  • 1 كوب دقيق
  • 3 ملاعق كبيرة كاكاو خام
  • 1 ملعقة كبيرة بيكنج بودر
  • 1 كيس فانيلا
  • 1 ملعقة كبيرة خل
  • 2 بيضة
  • 1 ملعقة صغيره نسكافيه
  • 1 كيس كريم شانتيه
  • شوكولاته مبشورة للتزيين
  1. أولاً في الخلاط هتحوطي اللبن والزيت والسكر والكاكاو وملعقة النسكافيه وتخلطيهم مع بعض كويس لحد ما يتقل القوام ويكون تقيل حبه وبعدين جيبي كوب وحوطي فيه حبة من الخليط يعني أملي الكوب ودخلي الكوب الثلاجة عشان ده هيكون الصوص إللي هنحطه على الكيك 😍
  2. باقي الخليط إللي في الخلاط حوطي عليه البيض والخل والفانيلا وأخلطيهم مع بعض كويس 😍
  3. جيبي طبق غويط وحوطي فيه الدقيق والبيكنج بودر وقلبيهم مع بعض وياريت أنخلي الدقيق عشان الكيك يكون هش معاكي وبعدين ضيفي الخليط إللي في الخلاط على الدقيق وقلبيهم مع بعض كويس وبعدين جيبي صينية وإدهنيها بالزيت وحوطي فيها خليط الكيك ودخلي الصينيه الفرن على درجة حرارة ١٨٠ حوالي نصف ساعة ولما تستوي خرجيها من الفرن وسيبيها تبرد 😍
  4. بعد لما تبرد الكيكة اقسميها نصفين واحشيها بالكريم شانتيه وحوطي طبقة الكيك الثانية فوقيها وبعدين جيبي الصوص من الثلاجة وحوطيه فوق الكيك وزينيها بالشوكولاتة المبشورة او أي تزين متوفر عندك ودخليها الثلاجه لمدة ساعة وبعد كده قطعيها وقدميها بجد أحلى كيك ممكن تاكليها مظبوطه👌 وحلوة جداً💓 وبالهنا والعافية يارب عليكي حبيبتي 😘😍🌹💖
  5. 😋😋😋😋😋
  6. 😍😋
عجبتك الوصفة؟
شوف كل وصفاتنا في مكان واحد
كل الوصفات →