→ كل الوصفات

كيكة العسل الروسية 🍯

طريقة عمل كيكة العسل الروسية 🍯 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 130 جم زبدة غير مملحة
  • 100 جم سكر
  • 100 جم عسل
  • م ص بيكربوناتو
  • 450 جم دقيق
  • 3 بيضات بحرارة الغرفة
  • 200 جم ساوركريم او زبادي يوناني
  • 200 جم جبنة كريمي
  • 500 جم كريمة خفق حلويات
  • 1/2 كوب سكر بودرة
  • 2 م ك عسل
  1. نجيب حلة غويطة ونحط السكر والعسل والزبدة علي النار ونقلب فيه لحد ما السكر يدوب واما يبتدي يغلي من الجوانب نحط البيكربوناتو
  2. هنلاقي الخليط فار شوية عشان كده بنستخدم حلة غويطة نفضل نقلب لحد ما الخليط يبقي لونه دهبي غامق شوية ونشيله من عالنار ونسيبه يبرد ١٠ دقايق مش اكتر
  3. نضرب البيض كويس مع الفانيليا وننزله شوية بشوية علي الخليط ونقلب بالمضرب اليدوي
  4. نضيف الدقيق حبة بحبة ونقلب لحد ما نوصل لعجينة طرية ولينة بس منزودش عن كمية الدقيق اللي فوق ونحطها في التلاجة نص ساعة
  5. نعمل الكريمة بقي هنضرب كريمة الخفق لحد ما تمسك نفسها وبعدين نضيف الجبنة والزبادي اليوناني او الساوركريم والسكر والعسل ونضربهم لحد ما يتجانسو ونحطه في التلاجة بس منضربش كتير عشان الكريمة متفصلش
  6. نجيب العجينة ونقسمها ٨ كور وناخد كل كوره ونفردها علي ورق زبدة ونخليها رقيقة جدا جدا علي اد ما نقدر ونجيب قطاعة كبيرة ونقطعها دايرة او مستطيل علي حسب ما نحب ونخرمها بالشوكة كده كذا خرم ونشيلها بورق الزبدة ونحطها في فرن سخن ١٨٠ لمدة من ٥ دقايق ل ٧ دقايق مش اكتر
  7. وهكذا لحد ما نخلص الكور وممكن نسوي اتنين مع بعض لو الفرن كبير طبعا هي بتخرج طرية شوية شبه البسكوت المندي ونرصهم علي بعض
  8. البواقي اللي بتطلع بعد التشكيل بنعجنها ونفردها ونسويها بردو وهنطحنها ناعم عشان نغطي بيها في الاخر
  9. نرص بقي طبقة طبقة ونحط بينهم كريمة بمعيار عشان يبقو اد بعض وهكذا لحد ما نخلص الطبقات ونغطي الكيكة من بره ببقية الكريمة ونغطيها بالبسكوت اللي طحناه ونحطها في التلاجة ليلة عشان تمسك نفسها اما نيجي نقطعها وبألف هنا
  10. هي خطواتها كتير ومكلفة ومحتاجة شوية مجهود بس جميلة جدا وتستحق اننا نعملها ❤️
عجبتك الوصفة؟
شوف كل وصفاتنا في مكان واحد
كل الوصفات →