→ كل الوصفات

كيكة القطن الشتوية🌧️ بالشوكولاتة😋❤️

كيكة القطن الشتوية🌧️ كيكة لذيذة وسهلة في التحضير وببيضة واحدة بس وطعمها لذيذ وحلو جداً😋👌🏻 أسمها كيكة القطن الشتوية لإنها هشة وخفيفة زي القطن 😍🤩 لازم أعملها كل لما يجي فصل الشتا 😍لو مجربتيش كيكة القطن الشتوية قبل كدة هيفوتك كتييير 🤩جربيها أكيد هتعجبك 🤗❤️☺️ #نعمة_جديدة #العلاج_بالطبخ #العلاج_بالخبز #الطبخ_مؤنس_الوحدة #Cookingtherapy

  • 1 ونصف كوب دقيق
  • 3 ملاعق كبيرة كاكاو خام
  • 1 كوب سكر
  • 3/4 كوب حليب
  • 1/4 كوب زيت
  • 1/2 كوب ماء ساخن
  • 1 ملعقة كبيرة بيكنج بودر
  • 1 كيس فانيليا
  • 1 بيضة
  • 1 كوب شوكولاته مبشورة
  • 1 علبة قشطة
  1. أولاً في الخلاط الكهربائي حوطي البيضة والزيت والسكر والفانيليا والحليب وأخلطيهم مع بعض كويس جداً 😍
  2. جيبى طبق عميق وحوطي فية الدقيق والبيكنج بودر والكاكاو الخام وقلبيهم مع بعض كويس وبعد كدة ضيفي الخليط السائل الموجود في الخلاط على الدقيق وقلبيهم مع بعض بمضرب سلك يدوي لحد لما تختفي كل حبيبات الدقيق والبيكنج بودر والكاكاو 😍
  3. ضيفي بعد كدة الماء الساخن وقلبي كل المكونات مع بعض كويس جداً مرة تانية جيبى بعد كدة صينية الخبز وادهني الصينية بالزيت أو الزبدة وحوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد حبة 😍
  4. اعملي بئا صوص الشوكولاتة جيبى حاجة مناسبة وحوطي فيها القشطة والشوكولاتة المبشورة وحوطيهم على نار هاديه وقلبيهم مع بعض لحد لما الشوكولاتة تسيح وبعد كدة حوطي صوص الشوكولاتة على الكيك وهو سخن وزيني الكيكة بالشوكولاتة المبشورة وممكن تستبدلي صوص الشوكولاتة ده بأي نوع صوص شوكولاتة متوفر عندك😍
  5. قدمي بئا الكيكة اللذيذة دي مع كوبايه شاي حلوة او نسكافية☕ أو قهوة بجد حلوة ولذيذة وسهلة في التحضير جربيها أكيد هتعجبك 😍❤️🌼
  6. 😋😋😋😋😋😋
  7. ❤️❤️😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →